[عبدالحميد المبروك]

	يا صاحبي جتك القوافـي مناكيـف*****تنشد عـن ايـامٍ فقدنـا خبرهـا اللي تقافت مثل حلـو السواليـف*****لاقالهـا القايـل ولا احـدٍ ذكرهـا يا دار من فيك المضيّف من الضيف*****تشابهت عنـدي وكثـرة صورهـا منهو سرق يادار واقفى ولاشيـف*****ومن جا من البيبان واللي كسرهـا دنيا لها في كـل يـومٍ تصاريـف*****والرابح اللي سالمٍ مـن خطرهـا احدٍ تجي له مثل بيـض النفانيـف*****واحدٍ على وجهه تطايـر غبرهـا يالله دخيلك من زمـان العجاريـف*****ومعانـدة نفـسٍ طويـلٍ نظرهـا جيش الروابع يشغف القلب ياحيف*****ينخى العزيمه ما درا عن قهرهـا العلم عوّد عنـد نـاسٍ ملاقيـف*****اللي الغشش والزور باول نحرهـا بياعة الدنيا علـى كـل توصيـف*****يوم الشيم راحت ولا احدٍ شكرهـا الله علـى عمـرٍ بليـا تكالـيـف*****ديرة بدو طاري الحظر ما دمرهـا في مرتعٍ فيه الخزامـى مهانيـف*****يبعد عن النفس الحزينـه كدرهـا ارضٍ لها قلبي وعمري مواليـف*****احبهـا واحـب ريحـة زهـرهـا