[غــيــث]

يوووه هذا علم بحد ذاته ( طويل عريض ماله آخر )

المهم : وش رايك نبدأ في إدراج بعض الكلمات الدارجه بين العامة وشباب هالأيام

وبعدين ندخل في المصطلحات القروية والبدوية وحتى المناطقية ....

خذوا على الحساب ( كلمة ومعناها )وتراه ملطوش مع بعض التصرف والتحسين

والمعذرة مسبقآ على بعض ما سيرد فيها .... أوكي ؟

********

( الدلخ )

وهذاا إنسان *** جداااا....يرفع الضغط ....وينرفز ....

واكثر من يعااني منه المدرسين ....واهله.


( المنسّم )

ذلك راجع إلى تهريب الهواء من رأسه و السبب

في ذلك هو أن في رأسه فتق لذلك تلقاه دايم يغطس رأسه

في سطل موية عشان يعرف من وين التنسيم .


( المهوّي )

هو مرحلة متأخرة من التنسيم و المهوي وصل لمرحلة متأخرة جدا

بحيث يفقد أهله الرجاء منه ...


الشخر المخر أو أبو مشخر ! :

من نفس فصيلة المنسم !


( السلنّتح )

قليل الأدب ... متطفل


( جحلّط )

وهم مرحلة متقدمة للسلنتح


( مزّلب )

يعني بايعها بتراب !


( مسفّح )

يعني طاير في العجّة وهو ما عنده ما عندي جدتي

يعني بالعربي الفصيح من جنب العارضة وفوق القدّه


( الصتيمة )

وهو الشخص اللي ماعنده ماعند جدة جدتي ...!!...

ويصدق أي شيء يقال له


(المسبّة أو المسبوة )

هو الشخص اللي يكون مروع في صغره لدرجة أنه يصبح شبه فاقد للعقل ...


(الفاهي أو المفهّي )

هذا الله يخلف مهما تقول له أو تصارخ عليه تلقاه فاتح فمه و بس

و إذا كلف عمره و تفاعل معك رد عليك و قالك : هه ... يتمتع بوفرة من الغباء


( الحقنة )

هو الشخص الغثيث اللي ما يفكك لين تعطيه اللي يبيه منك

و مهما تسوي له عشان تصرفه عن الموضوع حقه ينشب في حلقك

لين يأخذ منك اللي يبيه , وهذا يفسر قول العرب : أغث من حقنة !!....


يتبع >>