[الحيران]

سلام يا هووووه
في البداية نقول السلام واجب وهوه دايمن على الخير مو حاجب وهادي وصية الرسول عليه الصلاة والسلام وهي من شيم أهل الأصول واللي ما يسويها هادا عقله محلول وابغالو واحد يدلّو بدون ما يأشّرلو ، ويدفو ، ويوزن لو البلوف
عموماً اقولكم انا عندي كلام حلو كتيييير بس ترا مو أي أحد يفهمو قولو لي ليش يا ابو عيش أقولكم ليش فاكرين الحارة وأيام المرجلة والسمارة ، ديكا الأيام أيام حلوة أيام ما كانت الناس قلوبها على بعضها والجار ياقلبي يعرف ويكرم جارو ، وفي وقت الشدايد يكون عترة ونار ، وأيام ما كنا ناكل لبة الضحى ونجتمع صبح ومسا بس هادي الأيام يعيني دلوني على اللي يعرف جارو ودايمن يكرم مقدارو راحت ديك الأيام ما أقول الا الله يرحمها ويرحم مين ما عاد علينا ترى انا قلبي مليان زيّ الفولة من هادا الزمان واهلواوالتقصير الي صاير في ارضو وسهلو
ولنا كلام تاني كلام مِرَستك ولُو معاني