هاللحين الشرهه مهب عليكم الشرهه على اللي يقص لكم حلمة الكل قام ايتطنز هذا يقول سطل ماء والثانية تقول من الاكل حسبي الله ونعم الوكيل / كفوا والله ام عبودي مخليكي والله للزمن والا هذولا الله يخلف علينا وعليهم بس مره فيه مصري ( طعمي ) ايقال احمد ما رايح يحذفها ؟ المهم كان يدرس معاي بالثانوية جاك ذاك اليوم قالي والنبي لادربك (( ابضربك )) قلت والله ما تمد يدك يالمصري لاخمــك بكس وبعدها تجلس تلقـط باقي وجهك جاك المدير / المدير هذا يصير ولد عم زميلي بالمدرسة عنده مزرعة قريبة من ديرتنا ذاك اليوم كان مطر تعرفون عاد المطر يوم ينزل نصير حوسة الله يخلف ذاك اليوم كنت كاشخ زي العاده عمي كان معاي بالمدرسة لا والله ماكان / كان في مدرسة ثانية مدري ليش ما سجل معي في ذيك المدرسة اللحين هو بالعسكرية اد الدنيا المهم رحت مرة انا وخالي نبي نشتري شويه اغراض لبيتهم ورحنا للسوق ما لقينا موقف وجلسنا ندور بالسيارة وندور المهم نزلت انا عند راعي البوفية ابشتري سندوشت ( يقالي فاهم سندوشت ) الوالد الله يطول بعمرة قالي ياكاشخ قلت سـم طال عمرك قال : ليه ما تروح تسلم على جدتك قلت له ابشر وقمت ابروح لها ولد جيراننا بالقصيم صار له حادث الله يدفع البــلاء ومات فك الله عينة / امه الله يغفر لها ولاموات المسلمين توفت قبله بثلاث سنين متتـاليـه سبحان الله ...
وين وصلنا معليش اخذتنا السواليف ....
ابروح انام ورانا صـلاة جمعـــة ....
|