للأطفال فقط .......!!!!!!
كل منا له ذكريات طفولة جميلة وكل منا تتركز فى ذاكرته اشياء لن ينساها ابدا مهما كبر او طال به العمر ... فسأخصص هذا الموضوع لمن يريد ان يذكر شىء لم ينساه فى طفولته
وها انا ساقول لكم كلمات الى الان لم انساها ... اغنية لذيذة ولمن له اطفال من الاعضاء الكرام ربما تعجبه ...
وهى بعنوان احنا نحب الحق تملى
يارب تعجبكم
احنا نحب الحق تملى ليه الناس ما يصدقوناش
مع ان الكذب ده بيسلى لكن برده ما يعجبناش
اول مرة دخلنا جنينة فيها الوردة تسعة الوان
والعصفورة بتلعب كورة مع كتاكيت وقطط وفران
والحداية واقفلهم جون وابو قردان بيدق الهون
رحت حكيت لصحابى عليهم ليه الناس ما يصدقوناش
مع ان الكذب ده بيسلى لكن برده ما يعجبناش
تانى مرة لقينا الدنيا بتشتى فتة ولحمة ولوز
والبحر المالح بقى سكر والقراميط بتقشر موز
وبسرياية يتحشى كرنبة وابو جلنبو بيرقص رونبة
رحت حكيت لصحابى عليهم ليه الناس ما يصدقوناش
مع ان الكذب ده بيسلى لكن برده ما يعجبناش
لما زهقنا من الناس قولنا احسن حاجة ما نتكلمش
رحنا القهوة لقينا على سهوة البراد والراديو بيمشوا
اتخضينا بسرعة جرينا الفناجيل مسكت رجلينا
واحسن حاجة ما نتكلمشى
__________________
لا تقــــل ياربي همـي كبيــر ... ولكن ، قــل ياهــمي ربــي كبيـــر
|