[الــنــدى والـــمــا]

هذي حياتي كلها بين اياديك..........خذها كأني لحظة ٍ من دلالك
ياغاية المطلب عقدت الأمل فيك ..........ملكتني وأسرت قلبي لحالك
أطلب وآمر يا أبيض القلب وأعطيك..........انا وقلبي والاوادم فدالك
أبيع كل الناس برخيص وأشريك..........ما اريد غيرك واعترف لك بذالك
يافرحة العمر الكبيرة أناجيك..........وأشوف قمة بهجتي من خلالك
بالقلب جنات وغصون لمعاليك..........ما لا رأت عينك ولا جا ببالك
يهتز عرش القلب لا حل طاريك..........وتقتح لي ابواب الحياة بوصالك
اموت واحيا فيك واهواك واغليك..........من ندرة عيوبك لروعة خصالك

واضن حبي لك بعد مايكفّيك..........ولا ضن يملا العين شخص ٍ بدالك
معك انت عانقت الفرح كيف اخليك ؟..........مقدر وفال الله ولاهوب فالك