[عيون الليل]

السلام عليكم

والله يا اخت انا اصريح وهذا تحذير للبنات لأنهن بسرعة ينلعب على عقولهن مع احترامي لعقولهن وانا بإمكاني ما اقولك هالكلام وأدعي الصدق والطيبه واقول هذا عمل بعض الناس وانا موب منهم لكن ليش خلونا صريحين والا انتم ما تعجبكم الصراحه؟
قولي لي شو رأيك انا مره عندي مالتي ايسيكيو استطيع ان اشغل 2ايسيكيو في نفس الوقت . جاتني رساله من وحده تدعي ان اسمها فنزويلا من قطر امها فنزويليه وابوها قطري اوكي . قمت راسلتها من الايسيكيو الثاني الي بإسم بنت (مثل ما ذكرت من قبل)
تعرفين شو قالت لي ؟؟؟؟ قالت لي اسمها خلود وقطريه اصل وفصل
والعمر عطتني غير الي كانت قايلته لي ... شو رايك ؟؟ الا يدل على ان البنات يسوون نفس الشئ؟؟؟ مثل ما نحن نسوي هالاشياء البنات نفس الشئ يحبن التليويت علينا

بس بعض الشباب ما حد يستطيع يلعب عليه وبعض البنات كذلك بس احسن شي للبنت ((ابعد عن الشر وغني له))

موب كل يوم بتطيح في شاب مغفل ممكن تطيح في واح شري ويقلب حياتها فوق تحت

افضل شي تبعد عن الامور الي مالها فيها مصلحه وتحافظ على سمعتها لان اغلى ما عند الفتاه سمعتها وهذ الكلام اقوله محذر للبنات مع ان هالكلام موب كل واحد بيقوله وخاصة الي في قلبه شي

الانترنت اخطر اداه اذا ما يحسن استخدامها لانه فيها الشر كله و الخير فيها

هذه الشبكه فيها تجارة المخدرات و شبكات الدعاره وشبكات القمار وشركات الابتزاز والنهب والسرق وفيها يتعامل الارهابيون والجواسيس والهكر الي هم اخطر مجرمين على الكمبيوترات الشخصيه وخاصه اذا عرفوا انه جهاز بنت يالله يموتون على اجهزة البنات لانها قليلة الحمايه ولو كانت محميه البنات ما عندهم خبره في الشبكات وحمايه الكمبيوتر من الهكر

واحذر كل ابنات من تخزين اي صور في الكمبيوتر لانه من السهل على الشباب سحب الصور من الكمبيوتر وفضح البنات يالله اذا فات الفوت ما ينفع الصوت.