إقتباس:
|
المشاركة الأصلية بواسطة غــيــث
سهيل ؟؟
ويش قومك علينا ياخيك ... دخلتنا في متاهات هيئة الأمم والمفوضية العليا
ودهاليز السياسة ...ضعنا وضيعتنا ... بس دامك جيت :
يا هلابك يا قصيد دق صـدره وأرتكالـي
خابره من طيب راسه ما يوردهـا هزيلـه
لا نويته بالكتابـه ركبنـي مثـل الهبالـي
ولا نواني بالقصايد بش لي مثـل المخيلـه
كنه البحر بحضوره ما عذر روس الجبالي
وسطه كنوز وجواهر قدمك جنـون تهيلـه
كل هذا وألعذر دامني ما أخـذت بالـي
ما نفعني ضعت كلي صدق ضيعت الدليلـه
وخذ هاذي على الحساب 
ربما تكون بالنسبه للعالم شخص ما؟ ولكنك قد تكون لشخص ما العالم كله
الله يعين على أخي معين ... حسنا موضوعة
|
نبي نعلمك المساري على الجيش
تمشي ذلولك لين يفتـر جهدهـا
خابرك مانت بضاريٌ للمطاريش
نبيك تونس حلوها مـن نكدهـا
ليله على مسرى وليله مغابيـش
وليله نخلي نومها لمـن رقدهـا
وليله على تمره وليله على عيش
وليله نوكلك اللحم صيـد يدهـا
يا(غيث) لاجيت العرب لاتجي تيش
خبل ليا جاب السوالف سردهـا
إحفظ لسانك لا يجي فيه تبطيش
تصبح عيونك كايـدات رمدهـا
يجيك من ينشدك نشـدة تكديـش
يبـي يسنـع هرجـة يعتمدهـا
خله يقوم مفلت في يـده ريـش
يروح منك وحاجته ما وجدهـا
ترى دعابيل الخبـول الفوانيـش
تبدي بما فيها ولا احـد نشدهـا
يجيك واحدهم يـورش توريـش
سحابته يسبـق مطرهـا بردهـا
واللي لغمقات السوالف مناقيـش
قراية الكلمة علـى اول عددهـا
تجي سوالفهم بضحك وتبهيـش
وقلوبهم ما احد يفكـك اعقدهـا