[x_airforce_x]

الاخ العسكري تحياتي حبيبي على هالموضوع النفسي والله راح اجاوب على كل الاسئله بصراحه شديده
واول شئ اقوله لك بصراحه من كثر المواقف الشائنه ماراح اقدر اتذكر لك اولها بس راح اذكر لك اللي لسه بالذاكره اوكي
اول فعل شائن الدخان وكفشتين امي الله يطول لي بعمرها وتوطت ببطني ذاك اليوم لين عضيت الارض وكنت وقتها صغير بالمتوسطه


جينا للسرقه كنت اسرق الهلل اللي يستخدم للتلفون الريالات الحديد من عند ابوي من السياره لان كنت اعتقد انها بدون فائده لانه الله يجزاه خير اللي هو ابوي يحط من الهلل بالسياره وينسى وانا اصرف له هالاموال المكدسه بالسياره واشتري بها اسكريم (مدمن اسكريم )بس الى الان ما احد درى يرحم امك لا تفضحنا

مو شجاع كنت مليقيف يعني لو يسلم علي احد وانا ماني رايق توطيت ببطنه


الخوف عمره ماخش قلبي ولله الحمد الا من الله عز وجل لكن باذكر لك موقوف ابن حرام ما انساه لين اموت
كنت بسياره مع اهلي مسافرين على طريق رفحاء عرعر وكل اهلي نايمين ما عدى امي راكبه معي قدام وتجاوزني كابريس ابيض بسرعه مو معقوله ولا شعوريا قلت الله يستر عليك وبعد اقل من دقيقه واحده بس دخل تحت تريلا قدامي ووقفت على طول ولقيت الراكب والسواق مالهم اثر بالسياره لكن قدرة الله انقذت الركاب الخلفيين وكانوا بنت عمرها حوالي 15 سنه وطفله صغيره ماجاهم اي شئ ........ وبعدها تعرف الاسعاف والمرور والزحمه امي طبعا الين وصلنا وهي تبكي. اخواني وقفت السياره بعيد عن الحادث ونزلت عشان ما يشوفونه

كنت اتمنى الموت لنفسي دايما وعمري ما تمنيته لاحد والسبب اني كنت ملقوف والناس وابوي وامي عارفين اني السبب بكل المشاكل اللي تصير لي يعني انا اللي اغلط على الناس ما احد يغلط علي وكانوا دايم يقولون والله انك انت اللي متلقف عليهم عشان كذا كنت اتمنى اموت وارتاح منهم ههههههه
كنت الاول بالدراسه الى الثانويه ولله الحمد بس كنت مهبول يعني مخ بس على اللقافه. والدراسه كانت غصب عني

وانا صغير حبيت الاسكريم وبعده حبيت بنت الجيران وبعده حبيت عملي وتركت الدنيا كلها حتى الزواج تركته وتزوجت عملي

في طفولتي اذكر شكل اول هدف سجلته برجلي اليسرى هو اللي ما نزل من عقلي الى الحين لاني كنت استخدم الرجل اليمنى وهدف باليسار كان معجزه بالنسبه لي هذا طبعا بالصغر بس

هذا كله بكل صراحه لكن لا تعلم ابوي عن الريالات الهلل يرحم امك ترى وربي يحوسني حتى وانا عمري الحين 25 لانه يموت ويعرف وين كانت تروح امـــــزح

وتقبل تحياتي يا شويش عسكري ركن