* عقارب الساعة *
حبيبتي حبنا مثل عقارب الساعة
دايم نتلاقى ونتفق .. لكن مردنا نفترق
ندور في صواديف الزمان
نجول في صواديف الأمان
و نلتقي مرات .. ونفترق حسرات
يجمعنا الوجد .. و يفرقنا الحسد
حبنا يدور .. وقلوبنا تدور
و إلى الأبد ندور
مثل عقارب الساعة
التقينا ساعات و دقايق .. و السبب أغلى الحقايق
التقينا بحبنا الرايق
لا قربنا نلتقي تغمرنا زخات الفرحه
وكل مننا ينسى جرحه
لكن للأسف .. لقانا مدته لمحه
نفترق وقلوبنا غريقه .. بالحزن وكل يسري في طريقه
ما بيدنا حيله.. هذي الحقيقة
حبنا يدور .. وقلوبنا تدور
و إلى الأبد ندور
مثل عقارب الساعة
يا عقارب وقفي عن الحراك
تعبت قلوبنا وعيوننا معاك
العين ياما بكت .. و الدمعة ياما شكت
إلى متى حبنا فيك حاير
و حبنا بين أرقامك داير
ما ودنا إلا الرحيل .. يا ساعة ما بقى فيك ليل
وما بقى فينا حيل
حبيبتي ما بيدنا حيله .. أنكتب لنا في ليله
ندور مثل العقارب
حبنا يدور .. وقلوبنا تدور
و إلى الأبد ندور
مثل عقارب الساعة
سطام بن أحمد
|
|