إن كان تنشد يالهويدي عن الطير
الطير والله يالهويدي غدا لي
طـيري عذاب معسكرات المسامير
إن حل عند قطـيهن الجفالي
إن جا نهار فــيه شـــــــر بلا خير
وغدا لهن عندالطريح اجتوالي
إن دبرن خـــيل وخــيل مــناحــير
وغدن مـثل مخزمات الجمالي
على الرمـــك صـيده عيال مناعير
وشره على نشرالحريب الموالي
يضحــك ليا صكت عليه الطــوابير
طيرالسعدقلبه من الخوف خالي
خيالنا وإن عــرجـــدن المــظاهير
وزيزوم عيرات طواها الحيالي
غيث لنا وإن جت لليالي المعاسير
وبالشح ريف للضعوف الهزالي
يسـقي ثراه مـــن الوايح مــزابير
تمطرعلى قبر سكن فيه غالي