[الحنين]

هموم وليلةٍ سودا واشاهد في سماي غيوم
اعيش الليل ظلمه يمكن القى النور باكر

احاور صمتي القاسي واجاوب بوحي المهموم
احاول اخفي الامي ويظهر حسي الماكر

نعم اضحك مع اصحابي ولكن داخلي مسموم
على كل الجروح اللي بقلبي يالغلا شاكر

اشوف ان الفرح كذبه على وجه الزمن مزعوم
واذا عشت الفرح لحظة اشوفه للوفا ناكر

اعيش الحزن في ليلي وكيف انسى وهو مرسوم
واذا حاولت ابي انساه يرجع لي وهو فاكر

صباح الهم ياجروحي اصبحكي وانا مرحوم
صباحٍ ما ظهر وجهه اذا كان الزمن عاكر

وليلٍ طال بي وقته يداعبني وانا مكتوم
ومع كل العنا برجع واقل لك يالغلا شاكر