[على رسلك]

المشاركة الأصلية بواسطة الوافـــــي

هذه أبيات القصيدة كاملة

انا داري وادري وانت داري ... على جروحي وظرفى وتداري
ولكن التغلى فيك عادة.... وانا مليت من طول انتظاري
تسمّع قول عدواني وتزعل ... حذاري يابعد عمري حذاري
ترا العدوان نيتهم خبيثه ... يجيبون الغداري بالقماري
تأكد قبل ماتزعل عليّا ... تثبت مثل مسلم والبخاري
الا ياطير صيدك لي فردّه ... علامك وانت صياد الحباري
انا والله خطير(ن) ومتولع ... وجاري اللي من الأحباب جاري
وعيني ماتنوم الليل كله ... سهير الطرف وتهل العباري
انا الي مابقالي الا ثواني ... من مجافك واستدعي الطواري
يشوفون العلاج اللي يناسب ... قبل يكشف علي الاستشاري
انا عارف من اشكى له همومي ... إلى من صارت الدعوه اجباري
اشاكى من يعرفون الموده ... مثل عزام ولا بو مشاري
ارجال لانتخيت بهم شفوني ... رجال (ن) أفتخر فيهم وباري
ابشكي عندهم ضبي(ن) ظلمني ... رماني بالمشوت والتواري
وخلاني طريح في حباله ... اصوت مير مالي من مجاري
عليه الله واكبر كل ماجا ... مع العذال له ذكر وطاري
لعب بي لعبة الكروه وسجّل ... هدف محسوم في بابي كوباري
لعبي لعب تاريخ البطوله ... غدى فوز البرازيل انتحاري
يتل القلب مني تل طايش ... الا من تل له جيب سفاري
مدلل واعذابي من دلاله ... على فرقات قلوب الناس ضاري
غزال شايف نفسه علينا ... تقول مرشح لمنصب وزاري
وله حق يتدلل ويتكبر ... مدام اهل الجمال اصبح يداري
ولي حق اشتكي مدام قلبي ... يحب الزين رغبه واختياري
وختم الشعر صلي الله وسلم ... على محمد عدد رمل المذاري

تحياتي

ما قصرت أيها الكريم الوافــي


أبيات جميلة جدااا


شكرا لك


ودمت بخير دائما وأبدا