ياكـــــــاعب الطبع الفريد .. ياللي في صدقك تكذبي
يا أقدم الكيــــــد الجديد ..كيد(ن) سُجِن منه نبي
القوة في ضعفك تُبيد .. وسلاحك الدمع .. اسكبي
مايعجزك قاسي عنيد ..الكهل يصبح بك صبي !!
ينصاد ويظنه يصيد .. ويصدقك هـــــذا الغبي!!
ويظنه الفــــذ الوحيد .. مايدري إنــــــك تلعبي
مسكين هالجاهل بليد .. يظنك بِوصله ترغبي
إن جاكِ أقفيتي بعيد … وإن صد عنك.. تقربي
وإن شفتي إخلاصه يزيد .. في حيرتك تتقلبي
وإن بان لك فجأة سعيد .. من هالسعادة تغضبي
وإن قلتي عنّي لاتحيد .. وطاوعك ..تستغربي !!
وإن قلتي فراقك أريد.. وغاب عنك .. تندبي !
ياطالبة الراي السديد .. ياحاير في طبع الظبي
أقرب من حبال الوريد.. وأبعد من المجد الأبي
وأوضح من أنوار(ن) تقيد ..وأخفى من النملة دَبِي
الشك فيها .. والأكيد ..وغموضها بَه تختبي
شف فعلها يحكي ويعيد ..الغدر شيمة مذهبي
زادي نكد .. بَه استزيد ..والمكر صافي مشربي
البعض ينصاني مجيد .. والبعض .. يحبيلي حَبي !
ضعفي قوي ..وذلّي عتيد ..وياليت أعرف مأربي
شف فعلها برجل(ن) شديد … تلقى طلبك ومطلبي
تعطيه بعض اللي يريد .. وتاخذ جميع اللي تبي
أستثني من هذا القصيد .. كل النسا في كوكبي !!!
يا كاعب ... رائعة أخرى من روائع الأمير عبد الرحمن بن مساعد
تحياتي