مش قادر أتوب - يعقوب احمد يعقوب
مش قادر اتوب
عن كل شي.. مكتوب
لاعن طفل زغير
ولا عن بحر كبير
ولا عن شمس بتبكي
بتبكي وتضحك
في لحظة غروب مش قادر اتوب
مش قادر اتوب
عن عصفور وطاير
ومن الصبح مسافر
تا يرجع لزغارو
بكمشة حبوب.. مش قادر اتوب
مش قادر أتوب
عن ام سهورانه.. وعيونا نعسانه
ومريضة وعيانه.. وعم تغني غناني
لطفلا المرعوب
من نارالحروب.. مش قادر اتوب
ولا عن حقل سنابل
ولا عن ضحكة عامل
بعدو كثير متفائل
ومآمن هـَ الجاهل
بنصر الشعوب.. مش قادر اتوب
مش قادر اتوب..
|