[دايـم السيف..]

السلام عليكم ورحمة الله وبركاته




أكيد لاحظتوا إن مواضيع الاعراس دايما تركز

على العروس .. على ملابسها

على مكياجها.. على صحتها

على اعصابها و.و.و...


والعريس المسكين .. محد جايب خبره

ماغير ادفع وانت ساكت

لذلك جرى التنويه لما يلي:

تضامناً مع إخواننا المعاريس , المقبلين على الزواج

واللي محد واقف جنبكم , اهدي إليكم هذه النصائح

قبل العرس تأكد انك سويت الأشياء التاليه:

تاكد انك اخترت شريكة العمر

على اسس اسلاميه

التدين الاخلاق طهر النسب

العقل الهدواء

المستوى التعليمي

كامله والكامل وجهه

قبل العرس بأسبوعين



حسابك في البنك مغطى(مو تتوهق بكره وتقول ماقلتولي)

حجز تذاكر السفر لشهر العسل..

حجز الاوتيل في بلد شهر العسل..

(خللي اختيارك رومنسي شوي يعني روح لمكان بعيد انت وياها

(جزيره نائيه)فرصه تضيعها وترجع وحدك كنك ماتدري

او مكان في جبل القاره حيث الهواء الطلق حلوهناك



هديه بسيطة تهديها لعروستك في أول يوم عسل ..

تجهيز كل الحاجيات لبيت الزوجيه ..



قبل العرس بأسبوع



لا تحلق ابد أسبوع كامل عشان يوم العرس تلق

استلام التذاكر السفر..

استلام تأكيد حجز الاوتيل مو (الفندق)..

علق ثيابك في بيتك مو تروح طرزان..

ثوب العرس والبشت جاهزين..

أدواتك الشخصية كاملة وجاهزة..

فرشاه اسنان..

ماكينه الحلاقه..

عطوراتك..

ملابسك الخاصه..

نظف وجهك بالبخار قبل أسبوع من العرس

( علشان مايطلع وجهك منفخ في العرس)

احجز موعد عند الحلاق علشان حلاقه ومساج و الخ الخ الخ.

(احجز عند مشغل ياسر) ياللا يياسر هذي دعايه ببلاش



يوم العرس :



س

خذ كفايتك من النوم

بعد ماتقوم خذلك دوش دافي وتفرك زين تلاقيك من

العيد للعيد تتسبح .. روق بالك وعقلك

وفكر في افكار حلوه ورايقه عشان ينعكس الروقان على وجهك

(يعني لا تروح العرس وانت مكشر او مرتبك او او او.)

تغدى عدل لا تطيح علينا في العرس وتفشلنا

عشاء مافيه !!

لاتحلم انك تاكل في الليل علشان تكون خفيف ياخفيف

(في واحد ملهوف وتعشى قبل العرس وجاله تسمم

من الأعصاب ليلتها

وقضى الليله مابين الحمام والحمام وكانت ليله مايعلم فيها

الا ربنا ولين الحين نضحك عليه بسبتها ).

بخر الثوب والبشت وهدومك اللي بتلبسها كلها

روح موعدك للحلاق وخليه يسويلك حلاقه معتبره ومساج

عشان يروح أي ضغط عصبي وريلاكس

(ولا تنسى نرشح لك صالون ياسر )

البس هدومك وتبخر وتدهن بالعود وبخ من العطور الزينه

وهذه لسته على البيعه بانواع العطور الرجاليه الحلوه:

هافن

هريريرا

كارتييه

شانيل

كريد

س ت ديبون

فلس الرجال مسيكين وهو بعد ماعرس

روح الحين لعرسك بدري مو تحسب نفسك معزوم وتروح متاخر

(يعنني اتغلى)

ارسم الابتسامه الحلوه


والله يوفقكم

ومنك المال ومنها العيال