[العـاقل]

في البدايه الشهر عليكم مبارك ( ولو انها متأخره ) ..

ثانيا اسف على التأخير في الرد وذلك عائد لظروفي الخاصه هذا اولا ولان الانتقال للسيرفر الجديد ضيع علي اسمي الاول لاني نسيت رقمي السري وفي كل مره اتعيجز اسجل من جديد الين جت الفرصه المناسبه وسجلت اسمي الجديد بعد ما مديت حرف العين .. وهاانا بينكم من جديد ( يالله رحبوا فيني ) ...

نبدا باسم الله .. الاخ صحيح .... هالحين العالم كله ماعرفوا ان فيه منتخب اسمه المنتخب السعودي الا عقب ما شافوا المحنط .. هذي معلومه جديده مع انها كبيره .. (( صحيح ))شر البلية مايضحك .. وبعدين ان كان في اثمي رضاعه يوم الزول في عزه فأنت ومن خلال ردك اجزم ان اهلك كانوا توهم مختنينك هذا ان كان منتب توّك في ظهر ابوك


اخوي العزيز دايم السيف .. ياخوي مستكثر على واحد عمره الرياضي عشرين سنه ولعب خمسين الف مباراة كأساسي ان يجي منه كم بيضة ديتس ولو بمعدل بيضه كل خمس سنين .. يعني قد تفلح احدى فحجاته الشهيره امام احد الفرق الكبيره وتجي قول ... وبعدين انا قايل لك ان السلومي قد سجل فيه اخس اللاعبين اهداف احسن من اهداف زولكم وترى السلومي مهوب الدعيع ولاحتى خالد الدايل ... على فكره انا ماقلت ان الصينين مايعرفون الكوره .. انا قلت انهم توهم يعرفون ان الكوره مدوره لانهم هم من اكتشف الكوره لاكنهم كانوا يلعبون بكوره مصنوعه من جلد الحيوانات وغيرها (( شفت اني مانيب بسيط ))وكان كل يوم لها شكل يعني يوم مربعه ويوم مستطيله على حسب ..

اخوي الغالي هوندا .. وش هالطلاسم اللي انت حاط !؟.. ان كانها صوره الزول فالله يرحم والديك فكنا .. الله يجزىادارة الموقع خير لوماجاء منهم الا انهم فكونا من الخلفيه اللي كنت حاطها منول ..

الاخ الخنساوي .. نفس الكلام للغالي هوندا وش هالطلاسم اللي انت حاط ..!؟؟

الاخ حواس .. في البدايه انت تقول

والعبرة بالمسميات لا بالأسماء فحسب

.. هالحين المسميات مهيب هي نفسها الاسماء ؟! والا انت عندك رأي ثاني ؟!!

وبعدين تقول

ولكن وراء هذه الأسماء والألقاب الجميلة أفق واسع تتهادى فيه كثيراً من هذه الأسماء والألقاب وتتملّق فلا تجد إلا الحقيقة من فعل يصدّق ذلك أو يكذبه .

!!!! ياشين اللي يتفلسف وهو من جنبها اتمنى انك تفسر الكلام اللي انت كاتبه لاني وانا اخوك على قد حالي ولانيب في مستوى ثقافتك الفذه !!!

على فكره (( سبق وقلت )) ياليت تعلمنى وش في وصلتك اللي انت حاط هل هو سب في سامي ولا مدح في بربري ؟ لانه اذا كان مدح فانا مانيب فاضي والله اخسر دقايق من اشتراكي عشان اشوف زولكم وهو يفاحج ...


اخوي الغالي كوكتيل .. لو عليهم كان يقولون ان المحنط من شيوخ شقراء هههه الحمدالله انه اسمر البشره (( ايه هين اسمر )) والا كان علوم وبعدين ماجد في قلوبنا من قالك انها ماتنبلع .. الا تنبلع ويفاخر بها .. لكن بين شباب ام درمان والخرطوم بحري

اخوي الحبيب موادع .. وينك يالغالي اتمنى تتحفنا برأيك مره ثانيه وثالثه ورابعه لان ردودك لها طعم خاص .. ومبروك عليك الشهر الفضيل و التجديدات الحلوه في الموقع ويكفي الوانها اللي تفتح النفس مهيب الالوان الاوله اللي تجيب الهم مثل الوان فريق الجاليات


العـــــــاقـــــــل ,,