عرض مشاركة مفردة
  #159  
قديم 18-09-2007, 01:45 PM
الحنين الحنين غير متصل
على أكفّ الخيال
 
تاريخ التّسجيل: Nov 2001
المشاركات: 2,208
إفتراضي

هذا مكانه يابحـر أعرفـه زيـن
رغم البطا كنه هنـا مـن ثوانـي

كنه هنـا قبـل نتفـارق بعاميـن
قبل المطر يجتاح وجـه المبانـي

وينه غلاتي يابحر وينـه الحيـن
مرك .. لمحته .. مانشد عن حناني

بالله قول أنه هنـا قبـل يوميـن
ودي أحس أنـه هنـا مانسانـي

حتى الكراسي تسألك يابحر ويـن
من غيبته حتى الكراسـي تعانـي

كنه هنـا قـدام وجهـك محبيـن
نرسم على سطحك كثيـر الأمانـي

شف يابحر كنا على جالـك اثنيـن
واليوم ماغيـر الدمـع والموانـي

دونه أشوف الزين بناظري شيـن
وباسمه أنادي واحد مـن أخوانـي

وين السعاده ناسيتني مـن سنيـن
مدري بعد مثل السعـاده نسانـي

ااااه يابحر الدمع في محجر العيـن
ماأقدر على ذكراه هـزت كيانـي

ماأقول يسوى في عيوني ملاييـن
يسوى عيوني وماغلى في زمانـي

هو القمر في الأرض يمشي برجلين
مافيه مثله يابحر شخـص ثانـي

شف يابحر ماهزني غيـر ثنتيـن
فرقاه وميسـم هالزمـن لاكوانـي

لكن أمانه يابحـر أحفـظ الديـن
لا جاك ثير الموج لهفـه عشانـي

قله غيابك عـن حبيبـك سكاكيـن
ماهو حرام الذبح بإنسـان فانـي

دايم يحن لموعـدك يعرفـه زيـن
وده يشوفـك يابشـر لـو ثوانـي

للشاعر .. عبدالناصر العالي
__________________
الرد مع إقتباس