[الوافـــــي]

ألا ليت ان الزمن يرجع

قصيدة رائعة للشاعر / فيصل اليامي

قرأتها وتركت للخيال العنان ليذهب معها إلى ما مضى من أيام
عندها عدت إلى فصول الدراسة الأولية وما تلاها
عشت طفولتي من خلال أبيات هذه القصيدة
ولا أخال أحدا يقرأها دون أن تثير فيه شجن الذكريات

وسأترككم مع القصيدة


ألا ليت ان الزمن يرجع .. ورى ولا الليالي تدور
ويرجع وقتنا الأول .. وننعم في بساطتنا

زمان أول أحس انه .. زمان فيه صدق شعور
نحب ونخلص النيه .. وتجمعنا محبتنا

زمن مافيه لاغيبه .. ولا حتى نفاق و زور
ياليته بس لو يرجع .. ونسترجع طفولتنا

صغار قلوبنا بيضاء .. نعيش بعالم محصور
ولا نعرف أبد أغراب .. ما غير عيال حارتنا

صحيح صغار بالتفكير .. لكن ماعلينا قصور
نخطط نكسر اللعبه .. وتسعدنا شقاوتنا

نروح المدرسه بدري .. ونضحك داخل الطابور
نحاول نزعج العالم .. في روحتنا و جيتنا

وعشان نأخر الحصه .. نخبّي علبه الطبشور
نشاغب بس في الآخر .. تميزنا برائتنا

نحب الضحك والهيصه .. نحب نط فوق السور
نفرفش ليه مانفرفش .. مادام الضحك عادتنا

ولكن دارت الأيام .. وبان الخافي المستور
وصار الهمِّ متعلي .. على قمة سعادتنا

كبرنا وصارت الدنيا .. تُصفَّ أحزاننا بالدور
وتهدينا الألم والهم .. غصبْ عن عين رغبتنا

تعبنا من بلاوينا .. احد ضيّق و احد مقهور
وكلن غارق بهمه .. وبالآخر تشتتنا

وانا ما اقول غير الا .. ياليت أن الزمان يدور
ويرجع للورى فترة .. نعدل وضع عيشتنا

تحياتي