[poet font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
غركم مظهر جمال البرتقاله = ما عرفتوا وش حسبها من نسبها
لو بها حشمه وتخضع للعداله = كان بين الناس ما هزّت كعبها
هافيٍ أصلاً وعمٍ مع خواله = همها ترقص وتلهث في طربها
الجهالة من يناظر هالجهاله = ما يميز وش محرم من رجبها
وآحسايف كيف يخدعكم جماله = والبضاعه كل شرّاي قلبها
البنات الحور في نجد الأصاله = الحياء والستر من ربي وهبها
الفخر بالدين ما هو بالخباله = والنحاس نحاس يفرق عن ذهبها
شفّ بالي واحدٍ ما أبغى بداله = عرضها مصيون ما زولٍ سلبها
ما مشت عريا وداجت بالبقاله = العقل والدين هو غاية طلبها
والله إني كل ما شفت الردى له = كن جوفي يصهره حامي لهبها
حالةٍ صرنا بها ما هي بحاله = العجايب لا تجينا من سببها
النمل لا طار ينذر في زواله = كم ديار منعمة ربي نكبها
مثل جنة عاد يوم الريح جاله = صب ربك فوقهم حامي غضبها
العرب غنّت على يالالي لا له = والقدس تبكي وتنخا في عربها
صارت إسرائيل تقتل بالعماله = الشجاع من العرب منهو شجبها
والعراق اليوم وضعه ينرثى له = سلّط الله بوش دمرها ونهبها
يا الله احفظ دارنا مهد الرساله = من أمورٍ تشعل النار بحطبها
[/poet]
للشاعر / ناصر السعيد
تحياتي
