[المد]

كان يامكان يا ساده ياكرام .....في سالف العصر والاوان !!!


كان في اميرة حلوة ... تسكن في قصر ابوها الي يطل على البحيرة الكبيرة ... كانت البحيرة واسعه وعميقة وحولها الاشجارو الازهار ..

يوم قررت الاميرة تروح تتنزه ... فأخذت خادماتها وحاشيتها وعلى طول الى البحيرة .. استمتعت الاميرة بيوم جميل بس قبل ما ترجع القصر ..شافت زنبقه حلوه في الماء بعيد تظهر وتختفي .. وتظهر وتختفي .. راحت تشوف ايش الحكاية ..

اول ما وصلت ... سمعت صوت يقول ..(( ايوة كمان .. قربي كمان شويه )) طبعاً هي خافت بس ...قربت شوية وكمان شوية وسقط شالها في البحيرة ... وظهر من مصدر الصوت ضفدع اخضر بشع ... هي اول ما شافته فرت منه وصاحت ....يع يع يع
ضفدع ضفدع .... بس هو حزن كثير وقال لها (( لحظه .. لحظه )) طبعاً هي استغربت ... نط ثاني مره في الماء وجاب الشال لها .. اخذته وهي متقززة جداً من منظره !!!

رجعت الاميرة وطول الطريق وهي تفكر ..؟؟ كيف ضفدع ويتكلم ؟؟
ثاني يوم الصباح سمعت تحت شباكها نقيق ضفدع متواصل فتحت الشباك ؟؟؟ اتاريه نفس الضفدع .. أحست بالرحمة تجاهه فأخذته وحممته واكلته وحطته عندها وسألته ... انت كيف تتكلم وانت ضفدع !!

قال لها .. انا امير من بلاد بعيده بس الساحرة سوتنا ضفدع عشان انا كنت مغرور جداً ووسيم جداً وطويل ورشيق واشقر و فارس واتكلم فرنسي ورسام وقابلت الملك فلان شخصياً و اعرف الملكه فلانه شخصياً ووووو الاميرة فطست من الضحك ... اخذته من رجلة ورمته في كوب الماء وهي تضحك !!

قال لها صدقيني ... انا امير وممكن ارجع الى حالتي الاولى بس ........ قالت له كيف ؟؟؟ .....قال : اذا قبلتني اميرة جميله !!
احمروجهه الاميرة وانتكش شعرها من الغضب واخذته من رجلة ورمت به من الشباك !!! وهي تقول بصوت عالي ....يا وقح يا وقح !!!

اخذ الضفدع في النقيق طوال اليوم وهو يشوف شباك الاميرة !! بس الاميرة ما ردت علية !!

الا ان ........


====== يتبع ====الجزء الثاني


تحياتي ياحلوين