الموضوع
:
دامك خوي لي فلاني بربحان && ودامك خوي لي فأنا حظي أقشر!
عرض مشاركة مفردة
#
1
22-05-2003, 05:49 PM
*اليشمـــك*
عـــابرة سبيـــل
تاريخ التّسجيل: Oct 2002
المشاركات: 2,220
دامك خوي لي فلاني بربحان && ودامك خوي لي فأنا حظي أقشر!
السلام عليكم
الشاعر سلطان على العتيبي يحاور حظه
الشاعر:
دامك خوي لي فلاني بربحان && ودامك خوي لي فأنا حظي أقشر
عزالله أني كان أسمّيك نومان && ياحظي اللي عن ردا الحظ يقصر
الحظ:
يالله صباح خير وشفيك زعلان && وراك لا صبحتني قمت تزمر؟
النوم كانك ماتعرفه للأبدان && راحة وأنا عن لذّة النوم ماأصبـر
الشاعر:
قم قمّك الله لامتى وانت كسلان && تشرق وتغرب شمسها وأنت تشخر
كل نهض حظه قبل وقت الأذّان && وأنت بمكانك لك زمانين وأكثر
الحظ:
بدري مقامي توّ للحين ماحان && نطرت واجد تقدر شـوي تنطـر
مافيه فيما فات لك غير نقصان && صبرك تراني ودّي أغنم لك أكثر
الشاعر:
يامال فرقأالعين مكذبك خيبان && عليك كم لي صابر أسنين وأشهر
كم فرصة ضيّعتها يا عميّان && ماهوب ماودّك بها منـت تقـدر
الحظ:
تبي الصراحة يابن الأجواد عجزان && من وين ما مشّيت رجلي تعثّر
أنا تراي وقلّت الحيلة أخوان && لوني لحالي ساعة الفرصة أخسـر
الشاعر:
وأنا وشنهو ذنبي أتبعك فقران && وانته عن حظـوظ العبـاد متأخّـر
في ماي أبيك تشيلني صرت ورطان && عوّدت أشيلك تقل أشيل متكسّر
الحظ:
قاعد على قلبك على طول الأزمان && وش عاد لو ما قلت لي يوم تشكـر
ولو مت يالصاحب وأنا أشوف ضميان && ماأسقيك لوهي فوق يمناي تمطر
الشاعر:
المغني الله ماأنتظر منك الاحسان && هو الذي في حالة اعباده أخبـر
والا أنت بوم من قنص فيك خسران && عن كل صيده بارد الوجه تدبر
تحياتي
__________________
*اليشمـــك*
عرض الملف الشخصي الخاص بالعضو
إرسال رسالة خاصة إلى *اليشمـــك*
إيجاد جميع المشاركات للعضو *اليشمـــك*