السلام عليكم
أختي المتفائلة
اذا هيا طلبت النصيحة فلازم تتقبلها وتاخذها في عين الاعتبار وتفكر في كل كلمة وتنسى إصرارها ورأيها الخاص لبعض الوقت
وبعدين تأكدي يا اختي إننا ما عندنا أي مصلحة يعني مجرد ناصحين والقرار راجع لها ..
بالنسبة لفارق السن فمش هادي المشكلة الأساسية مع إنها مهمة
ياما ناس اتزوجوا وعايشين حياة سعيدة على الرغم من فارق العمر بينهم
لازم البنت تسال نفسها .. هيا ليش مصرة على الزواج من هادا الشخص بالذات؟ يمكن مجرد عناد!
هل وجدت فيه صفات إيمانية وأخلاقية قل وجودها في الآخرين؟!
هل وجدت فيه الرجل الصالح اللي حيشجعها ويعينها على طاعة الله عز وجل؟
ولا تبغى تطلع من البيت وخلاص .. زي بنات كتير؟ خاصة اذا كانت ما بتدرس او تعمل .. يعني جالسة في البيت
قوليلها .. "ما كان لله دام واتصل وما كان لغير الله انقطع وانفصل"
لازم تصدق نيتها وتكون صريحة مع نفسها.. إذا كان سبب اصرارها إنو رجل صالح خلوق ومسؤول .. فعليها بالدعاء
أما اذا كان اصرارها لاعتقادها إنو يحبها
فقط .. فقوليلها الرجال مش فاضي يحب
.. واحتمال
كبير جدا جدا تكون نزوة
واعتقد إنو امها عمرها ما حتوافق حسب ما فهمت .. يعني حتخسر امها لو أصرت
وخسارة الأم مش سهلة
تحياتي والله يعينها ويهديها للخير