[فهد الحوت]

** بالنسبة لبطاقتي الشخصية هي كالتالي :

الاسم : فهد ...
السن : بين 20-40
المهنة : مدير في القطاع الخاص


.. شكرا للمدح ، لكن الصراع بين وبين القرش هو كالتالي :

مرة كنت اتمشى في المحيط الهادي .. لقيت القرش والقرش معروف عنه بالوقاحة .. المهم لقيته يتحرش بالجمبري والجمبري مسكين يحاول يتمسكن على القرش ويقوله : الله يرحم والديك تراي انا وراي عيلة وامي المسكينة ام الجمبري فيها روماتيزم وانا هلكان ما اسوى اي نكلة .. تكفى يالقرش خلني الله يخليك ..،، القرش يقوله : لا والف لا انا نويت وما ارتويت تشهد على روحك .. لكن باعطيك فرصة انك تتمنى امنية اخيرة ،، قال الجمبري : اتمنى أن أرى الــــحـــوت .
ضحك القرش ههههه الحوت ، الحوت ما هو قدي انا اقوى منه بس خله يقابلني وانا اوريك فيه .

القرش المسكين مايدري اني اسمع واشوف اللي حاصل .. المهم جيت من وراه ودقيت كتفه .. لما التفت عطيته واحد مخمس خليته كنه موستنج يفحط .. واعطيه الثاني صار يتكلم هندي .. ويقول : بابا خلاص حوت انا قرس مسكين انا مسلم .. انا في بابا ماما كله اوبريشن ..هئهئهئ .. انا خلاص هازا جمبري صديق مال انا .. انت مايسوف انا هنا مرة ساني انا في روح اكزت ..

قلت : يالله عفينا اهالمرة عنك بس ادفع غرامة للجمبري بدل البهذلة اللتي انت سويتها فيه .. الجمبري صار مبسوط .. والقرش من بعدها صار يكرهني كره العمى .