[المبتسم]

[poet font="Simplified Arabic,5,green,bold,italic" bkcolor="skyblue" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
---------
البحث عن وظيفة=شغلانة حلوة ظريفة
مسوغات جوه المظروف=فى اليد حاجة أليفة
اول ماتشوف اعلان=خليك أول تشريفة
تسأل إيه المطلوب=يقولوا طلباتنا خفيفة
شهادة وشهادة وشهادة=وصورة شمسية لطيفة
شهادة فحواها يقول=السمعة نزيهة نظيفة
وشهادة من أصل وصورة=بأنك من عيلة شريفة
وشهادة بختم النسر=بتفرغ للوظيفة
------
بعد ماياخدوا الأوراق=هينادوا عليك ياحنيفة
كلاتها يوم واتنين=تيجى لينا للأستيفا
وساعتها نقول مبروك=ونسقف لك تسقيفة
لأنو شهاداتك حلوة=وكل الباقية ضعيفة
----------
كلامهم حلو يطمن=طلبت عليه تسليفة
حجزت بيها الشقة=قال ايه وكمان تكييفا
وخطبت بنت جيرانى=لما كنا قى الريفا
وجوازنا عارفين فين=هيكون هناك فى جنيفا
-----
فى معادنا صحيت من بدرى=وكانت احلى تشطيفة
وبشامبو شعرى غسلته=وبجل كان تصفيفه
ولبست بدلة شبابى=قماشتها حلوة قطيفة
وتنيت اكمامها اسبور=وعلى صدرى فيه تلحيفة
والأهل معاى بيغنوا=ياحلاوة ياواد باحنيفة
يازهرة كل شبابنا=شتا صيف ربيع وخريفا
ماهم 00راسمين على راتبى=وغير كده مفيش تصريفا
-----
اصحابى جم ويّايا=قال عزوة لى وهتيفة
وخطيبتى ايدى فى ايدها=ماشيين من غير تكليفا
-----
لما وصلنا صدمونى=بنتيجة والله طريفة
غيرنا ولا قدم حاجة=واتعين فى الوظيفة
وانا يابو الشهادات=باى باى ع الرصيفة
تسأل إيه الأسباب=وهل فىّ حاجة مخيفة
تسمع منهم اجابات=وردود حاجة سخيفة
قال إيه طالبين أشخاص=أجسامهم ..حاجة نحيفة
ونحافة ويّا الخفة=تديلك ناس حرّيفة
وده طبعاً مش متوفر=الا فى تامر وتيفا
فتامر دمه خفيف=وأحاسيسه جد رهيفة
وتيفا له توصية =من تيته وتَنت لطيفة
وطريقهم كان معروف=من غير إعلان فى صحيفة
أوعى تقولى شهادات=والجيب مفهوش تعريفة
دالحالة من ها النوع=نديلها صابونة وليفة
وعلى كل انت معانا=لأنك طلعت وصيفا
حنحطك يعنى فى كشف=حاجة يعنى كدا رديفا
والكشف ده حفظينه=هناك جوه الأرشيفا
وكفاية انك جيت= وعرفت ايه التوظيفا
وده شئ مطلوب فى الأول=فتكون للشغل أليفا
----
بصّيت حولىّ لقيت =دموع اصحابى كثيفة
وخطيبتى جاتلها حالة=حالة صعبة والله عنيفة
طلعت انا المنديل=ودموعها هات تجفيفا
لا بىّ الورطة بتاعتى=ولا بىّ عدم التوظيفا
الشقة رحت رهنها=لجل يكون فيه تخفيفا
وخطيبتى هتروح فين=ده حالتنا حاجة مخيفة
قلتلها انا من رأييى=الحل فى الفركيشة
وبكرة وبعده اتقدم=لو كان اعلان لوظيفة
اعلان مفهش وسايط=ولا فهش كمان تحريفا
------
وقابلونى لو كان يحصل=فى مدينة او فى الريفَ
ورجعت انا البيت =كما عنتر شايل سيفه
لكن سيفى مصنوع=من عضمة عضمة جيفة
---------------
[/poet]