[غــيــث]

من بنات الريح لي صفراء جفول **= ** كنها ظبي الفلا بجفالها

منوة الخيال عساف الخيول **=** زينها في دقها وجلالها

زينها ماشفت وصفه بالمثول **=** الله اللي بالجمال اصخى لها

تستذير كحيلتي من كل زول **=** مايصخرها سوى خيالها

أذكر الله كل ماقامت تجول **=** وأحمد الله خصني بحبالها

كنها تمشي على قرع الطبول **=** فتنتي اللي خافقي يبرى لها

ظافي القصة على الطرف الخجول**=** تنكسر شمس العصر بظلالها

وصفها وصف السحاب اللي يحول **=** كل عين تستخيل خيالها

أو كما طاري على الخاطر عجول **=** صاحبه حقيقته ماطالها

كل رجل في حياته له ميول **= ** والهواية تمتلك رجالها