قال حاقد
قال حاقد قلت يا جاهل هلـي .. كيف باطرف باصبعي عيني واصيح
انت مثل ابليس حقّرك الولــي .. لا تسر ولا تريح وتستريح
من يصدق بي وانا الشمس عملي .. ما يذريها عجاج جاب ريح
لو يطيعك بي غرير يجهلـــي .. ما تطيعك روسهم بي يا كليح
هم هلي يا جاهل وهم منهلـي .. لو تضيق القى بهم كون فسيح
عودهم* له طاعة واجب علــي .. شيخنا اللي ما يوفيه المديح
ما سفهت من العقول الا الخلي .. وما حقرت من الكلام الا النبيح
الصباخي ما تربع بالولـــي .. والردي للطيب جحاد شحيح
والعتم لا بد يوم ينجلـــي .. واسود النية يجي يوم ويطيح
الردى بعد السما عن مدهلي .. ما تعلمت اجزي الطيب بقبيح
شمت عنك ابي المراجل منزلي .. وفي ضلوعي شايب عيا يبيــح
ما اعتلي بالشعر هو بي يعتلي .. دام ميزاني بحسادي رجيـح
لا تصدق في حصانك يا جملي .. كنت انا وما زلت وابطي لك نصيح
ما عرفت الغي واخفيت جهلي .. علموني مستبيحين المريـح
لو تبين قلت خلوا ذاك لي .. بس دامك كالنسا مالي نطيـح
قلت مادام اني بكذبك مبتلي .. كل كذب دام هو فنيي صحيح
ما اخبر من الذنوب الا هلي .. ذنبي اللي يرفع الراس الفليح
طلال الرشيد
عودهم = كبيرهم