[زيطه زمبليطه]

لماذا ؟؟؟ وكيف ؟؟؟ ومن ؟؟؟؟

وقائمة الأسئله لا تنتهي هل هي الحركه الصغيره اللي لسه سمعنا إسمها من يومين اللي عملت كل الدوشه دي ؟؟؟
طب ليه وإيه هي مطالبهم وليه ما كنش إعلانهم عن نفسهم قبلها مثلا ؟؟؟
ولا هو تفجير لإستغلال الموقف وتصفية حسابات قديمه بين العصابات اللي كانت وما زالت تحكم البلد ؟؟؟؟
أو ممكن يكون تدخل خارجي وإرسال رسائل للغير من دول تتحكم باللعبه عبر خيوط معقده مثل خيط إسمه المقاومه اللبنانيه وحزب الله ؟؟ وخيط إسمه القضيه الفلسطينيه وموضوع اللاجئين ؟؟؟؟
هو فيه إيه بالزبط ؟؟؟

والمراقبين والمحللين والمختصين في ملفات الإرهاب اللي بيقرفونا كل شويه بموضوع الإرهاب فينهم ؟؟؟؟؟؟ محدش بيتكلم ليه ويوضح اللي بيحصل ده ليه ؟؟؟ ولا هما زينا برضه محدش عارف ؟؟؟
يا جماعه الجيش اللي كان قاعد بيتفرج على اسرائيل وهي بتضرب المدنيين واللي قتلت المئات في الصيف الماضي دلوقتي عمل فيها راجل وبيستقوي على مخيمات مش ناقصه تدمير لأنها آيله للسقوط أصلا
والخيبه إن فيه طناش كامل من الدول العربيه والموقف الرسمي من موضوع المخيمات الفلسطينيه طبعا كله مستني الأوامر من الحجه "رايس " قدس الله سرها
مش ملاحظين الحته يا جماعه ولا أنا بيتهيألي
محدش قال حاقه ولا حد قلهم انتو عاوزين ايه او بعتو سكيتي حتى
وتركو الموضوع للصليب الأحمر
الله يكون معاكم يا أهل المخيم