اخواني واخواتي الكرام ارجو قرأتها باللهجة الخليجيةالبدوية حتى يكون وقعها ادق
سفينة عمري
امل وعذاب وعمر ضايع
وقلب غريق وسفينة
مالها شط ولا مينا
طريقها ليل الاماني
ومنارة تهديها لثواني
تايهة وما لها دليل
ودموع محترقة وتسيل
ياجرح قلبي الكبير..
ياحزن عمري الكثير..
ياليل الغربة والتفكير
وين الشط يابحر العذاب؟؟؟!!!
وين المواني بلا سراب
تعبت سفينة عمري من الحل والترحال
مسافات الشقا تسكن الخاطر والبال
النوم مفارقني بليلي
الصبر مل آهاتي وويلي
سهرت عيوني وبليلها ملت سهرها
تعبت من دموعها بس السهر قدرها
آهات صدري ياعين شكثرها
ملتني سنيني!!
اوراق عمري سقطت عن شجرها
ضاع الفرح ضاع الصباح
وسفينتي وعمري اللي راح
ما عاد لي سنين حتى ارتاح
اهات صدري يوصل مداها كل الوجود
الدنيا ملتني حزن ماله حدود
وما جادت لي غير بصدود
سفينتي راحلة..
مهاجرة شط الجروح
معها قلبي المنكسر
... وبقايا من عمر مذبوح
وآهات...
وآلام ...
وحسرة..
تنطوي بصدري وجمرة
في عيوني الف عبرة
ياسفينة
خذتك الدنيا برحلة شوق وحنين
تطوي مساحات العمر والسنين
وتخفي الاهات والالم والانين
يا سفينتي....
ضاعت في صدر الزمان حروفك
ومن دموعي في عيوني ضاعت طيوفك
دورتي شط الحب ورجعتي خالية كفوفك
ياطول ليلك ياسفينة
ضايع منك النهار
تايهة في بحر الالم
ياطول صبرك والانتظار
ياكثر آهاتك وشجونك
والسهر يملا عيونك
ادري بعيونك تسأل الليل وتقول:
لمتى سهري وسفري يطول؟؟؟؟؟!!!
وابد ما تلقي جواب..
لفيتي الكون شمال وجنوب
مشيتي في كل الدروب
ناشدتي حبك في كل القلوب
مالقيتيه الوفا
ولا شط الدفا
ما شفتي غير صد وجفا
ارجعي ......
ارجعي لشط العذاب
اتركي دروب السراب
ارجعي لليل الشقا
ما عاد لنا امل بلقا
ارجعي لي ياسفينة
اللي راح من العمر اكثر من اللي بقا.
رونا الحزينا