[daimon x96]

سلامات

chouchou
العنود النبطيه
صمت الكلام
*سهيل*اليماني*
بيلسان
والشيخ ابو الاطفال

اولا ، شكرا لكم لدعكم ، الذي عنى لي الكثير بعد ان قام ابو طه بتخييب ظني به ، او ربما لا ..
ربما هو عنصر للتمويه ، ويمكن يكون هو قائد الفكرة .. كل شي وارد ...

وثانيا نحن مش بمعركة ، نحن نستعين ببعضنا البعض لاننا نريد الافضل للخيمة ،
برجع بقول نحن مش بحرب ، لان لو كنا في حرب .. تاكدو كنتوا شفتو:
قائد الكوابيس المظلمة عائد ،
قائد قوات التدخل السريع ارغون
النائب العام عاصم
قائد القوات المسّلحة الارضية والجوية مهند2
واخيرا وليس اخرا امير المجاهدين القائد الميداني x96

كنتو شفتونا نقاتل في اول الصفوف إما النصر او التكحيش ..
فما عهدت الخيمة منا الانسحاب ولا التراجع امام المعارك ..وامامكم التاريخ يمكنكم مراجعته اذا كان احد منكم يشكك بما اقول، اعيدوا قراءة التاريخ وسترون معاركنا المشرّفة ، التي انتهت بالتّكحيش اخر الشي ..
وطبعا ما بدي انسى الشيخ القائد الروحي ، هو واطفاله المغاوير
وحتى ابو طه يللي عامل حالو معارض ، كنتو لقيتوه قبلنا كلنا ، لان ابو طه بالنهاية ، مطرب اصيل مش متل جاد الشويري .
بس طبعا انا هلا ما بلومو لان انفلونزا الطيور ماثر عليه بس انا بعرف دواه (لان بينو وبينكن كامش عليه شغلة وكل مرة بهددو بام طه)

هلا المهم ما بدي اطلع عن الموضوع ،

انا كتبت هيدا الموضوع حتى اخذ موافقتكم وحتى تتوسع الفكرة يلي بدات براسي ، صحيح انو ما حدا اعطاني افكار ، بس من مداخلاتكم الطيبة توسعت فكرتي وصار عندي اشياء اساسية ارتكز عليها ..

مثلا وهو رد على ابو طه من هذا المقطع ...

ومنذ متى ننتخب مشرفينا يا ايها المبتكر المبتدع

انتبه لا اقول مبدع...اقول مبتدع

منذ الان ، فلو انتخب الاعضاء المشرفين بانفسهم ،
شوف شو رح يصير ...
الاشياء الجيدة ..

العضو لن يشعر بالانزعاج اذا حذف المشرف له موضوعه او نقل موضوعه الى قسم ما او حتى اذا عدّل عليه ..
كلا ،، ابسولوتلي .. بتعرف ليش لانو هو من انتخب هذا المشرف ..

انا مثلا صار عندي نقزة لما بشوف رسالة من المشرفة والاخت حنين ، لاني بس شوف انو عندي رسالة منها بقول خير .
طبعا انا ما عندي شي ضدها بس يللي عم حاول اقوله انو لو شخص ما، انا انتخبته ، رح يصير في الفة بيننا ، ورح اتقبل رسالته بكل سعة صدر حتى لو كان مش كاتب الا انه تم حذف او نقل الموضوع او انه عدّل على مشاركة ما ، ما عم قول انو الاخت حنين فظة في رسائلها ، بالعكس، ابسولوتلي، فهي منبع للرقة والادب واهم الشي انها تعطر رسالئلها قبل ارسالها ..
بس انا عم احكي هون عن التالف ، وصدقني اهم الشي انو يكون في الفة بين العضو والمشرف .

وبرجع الفت انتباه ، انو الخيمة بحاجة لدم جديد ، وهيدا الدم رح يكون من مشرفين جدد ..
من اختيار الاعضاء .. مشرفين يمكنك الاستفادة منهم ، لان اي شخص يكون جديد بتكون في طاقات كثيرة فليش الخيمة ما تستفاد من هذه الطاقات ؟؟؟؟


ودعوني ايضا اعطي رائيي لابو طه عن هذا الرد :

جنونكم هذا وحلمكم الغير ( قانوني ) يشبه تمام التظاهرات في الشوارع العربية التي ما تلبس ان تنتسى بعد قليل ويبقى الامر على ما كان
اعتقد المشرف العام الان يبتسم فهو يحفظ حركات اعضاء الخيمة عن ظهر قلب كما الحكام مطمئنون تماما عن رضى الناس عنهم ولو تظارهوا
لكني اختلف مع المشرف وادعوه لطرد كل من شارك في الموضوع مطالبا بالانتخابات

بدي اقول لك كلمة صغيرة يا ابو طه ..
في قديم الزمان قد كتبت موضوع بعنوان كيف تصبح مشرف (ة) ممتازا

يجب ان تختار ارضا طيبة تغرس فيها بزور النجاح وتسقيها بماء عينيك

فيا ايها العمدة ، اهم الشي لما الشخص بدو يزرع شي حتى لو كان فجل ، لازم تكون الارض طيبة مش خصبة حتى ما يذهب تعبه هيك ..

فميشان هيك ، هذه الارض التي اتكلم عليها يوم من الايام لم تكن رطبة بما فيه الكفاية ،
فتركها الفلاحون بمن فيهم انا بحثا عن ارض رطبة ، ارض اذا اهتممت بها اهتمت بك ..ارض اذا زرعتها حصدت منها ثمار ، مش اشواك .

المهم اعذروني الان صارت اكثر من الواحدة والنصف ، وانا في كتير اصدقاء حذّروني من الابتاعد عن افكار نصف الليل.

بس بدي قول كلمة اخيرة ، انو انا ما عندي اي هدف باني صير مشرف يوما ما ..
والله على ما اقوله شهيد..


المحاور
x96