حكومتنا
حكومتنا حكومة الحرية بس بالكوسة والملوخية تصرخ وتقول.مش معقول راح أعيش عل الفول والطعمية يقولوا لك بكره حتتعدل والأوضة مكمكن تتبدل بشقة واسعة وعربية وأن قلت أمتى ياريسنا حيقول فى الخطة الخمسية وتروح خمسية .وتيجى خمسية وألا حالى أتغير وألا هيا لو أقدريارئيس وزارتنا أعمل لك جنحة ورا قضية ده سريرى بعته مع الكنبة وغيرت السفرة بطبلية وبيجامتى نفسى أغيرها وأشترى لمراتى جلبية وكيلو اللحمة عشان أجيبه لازم أعمله جمعية أشهد ياضمير..أشهد يازمان على شعب تعب من النسيان الكلب فيه أغلى من الأنسان والحكم بقى بالملكية حكومة فاشلة وشعب ذليل من مطروح ولعند النيل ينهبوا همه ونشيل الذنب وزارة ومحتاجة تعديل (((( أكتفى بهذا القدر لأن بقيت القصيدة حتزعل الحكومة قوى قوى منى.))))
__________________
أحمد مصطفى
|