[maher]

المشاركة الأصلية بواسطة نجمة الاطلس

كسكس بالتفاية تيعني بالبصلة المعسلة و الزبيب (كسكس حلو)
انا تنهبال على الكسكس سوا بالغنمي ولا البقري ولا بيبي (الديك الرومي)
اما بالحوت جامي واش كلتو واخا مروكية
بطاطا ؟؟في الطاجين اوكي في الكسكس
متيقن تتعمل غير قرن فلفل واحد صافي
شاهيتيني في الكسكس ا ماهر بسبعين خضرة

لا اختي هذا ما نحبوش
كسكسي حلو
يعملوه برشة عندنا، مي راني جام با

و الكسكسي نعرفه يجي بنين كان بالعلوش، الغنمي، و لا الجدي
توا الحال صيف، ما عادش وقت علوش، ولا وقت جدي
بالبقري، ما يجيش حلو، البقري هذاك للمقرونة
و الدجاج و مشتقاته أختي، أنا من حياة العزوبية أيام الدراسة، ما عادش نحبه
نتغدى دجاج، و نتعشى عجة
شوي لا كملت العام و بديت نقاقي


المهم، البطاطا نعملوها زادا في الكسكسي
تزيد تفوح، تطيب مع السقا، و تزيد البنة، آما ماكلتها، يلزم تستناها تبرد

كسكسي بالحوت ماكليتيهش؟؟
فاتك نص عمرك

تعرفي شوشو
في رمضان، براسك 30 يوم كسكسي

و الله كيفك، وقت فطور و شتهيت الكسكسي