[غــيــث]

عمار ياديرتي دربك خضر

حماك الله من شر البشر

الرياض ..!

يامســـــاء الخير يالــــيل الرياض
يامسا نور (ن) تشظى فالقلوب


يامسا وجه البشاير يوم ناض
واعشبت فى طلته كل الدروب


ياشعور الصدق من كذبي تقاض
واستمد من السما ألفين ثوب


العنود اللى بهاها حيل غاض
كل غضه عن مواريها تتوب


قلت اصافح بالحدا قدرك وفاض
وانسكب شعري رضاماهومغصوب


عن مديح الشمس حرفى ماتغاض
وان تغاضى ضعف قواه الغروب


شاعر ينسج مزاياك افتراض
حيلته قدح الخيال اللى ينوب


وصفك ابها من بها وصف الفياض
ياسليلة مجد ..والفعل محسوب


لاحمار..ولاسمار..ولابياض
غــــادت سدت مداخيل العيوب


واخرست فم القصايد يوم هاض
صاير شعرى شجر وانتى هبوب


معذره من قلب شاعر واستعاض
فى خيال مشمل (ن) وانتى جنوب



وصفك ابها مـن بهـا وصـف الفيـاض
ياسليلـة مجـد ..والفعـل محسـوب


احمد المطيرى

سلمت يداك أخي الوافي ونتطلع الى المزيد عن الرياض وأخواتها