[دايم المقاتل]

الى الاخت صدفة:
معليش اسمحيلي اكلمك بالعاميه المره ذي علشان ماانساها بس من كثر ماتكلمت بالفصحى في الانترنت .
يمكن تقولي في نفسك بدري توه يقراها؟ لكن الحقيقه انا حملت(بالشده) المسرحيه من فتره ونسيتها وفجأه وانا استعرض الملفات لقيتها وقلت يا ولد خلني اقراها.اول ماشدني فيها كان السؤال(لا أدري ان كانت هذ المسرحيه ستحظى بتقبلكم اولا؟) المهم بديت وقريت الفصل الاول(المشهدالاول) تبين الصراحه الوضع ماأعجبني قلت خرطي وسالفه قديمه وبغيت اهون واسكر الجهاز لكن قلت انا فاضي خلني اكمل وأشوف.كملت المشهد الثاني وصدقيني مادريت بنفسي وبديت اسرح مع القصه وكأن القصه تتكلم عني مع اختلاف بسيط وهو ان الوالد ماكان موجود ولا الوالده وكان يقوم بدورهم احساسي بان الامتحانات قربت والمذاكره رايحه فيها. مشكلتي اني مااشتركت في الانترنت الا قبل الامتحانات بشهر واحد وعلشان اضحك على نفسي قلت يا ولد مالك الا تشترك بنظام البطاقات علشان اذا خلصت تنهي اشتراكك. ولكن المصيبه اني ادمنت فعلا وقضيت على اربع بطاقات لحد الان.وفجأه في الفصل(الثالث) صحيت على مطبات صناعيه(تيبس-انعواج-زغلله)هالكلمات هي اللي صحتني وكانت زي المطبات. لان الكلام كان متناسق حتى وصلت هذي الكلمات فكانت قويه ومااستسغتها.المهم كملت وبديت افكر واقول لنفسي لازم تكون هذي اخر بطاقه. واللي طبلها اكثر اني مزفت في امتحان ليلتها.وبديت اتحسف واقول لازم اشد حيلي الامتحانات على الابواب وفجاه صحيت على دق الابره وحمدت ربي اني مامرضت لسا من الانترنت وبكذا كانت قصتي انتهت.
شكرا ياأخت صدفة على هذي المسرحيه اللي اعتقد انك كنت تكتبيني وتكتبي قصة اي واحد يشترك في الانترنت لاول مره (مراهق كان او غير مراهق) من غير ماتحسي.
اخيرا:
اتمنى اني مااكون طولت عليك بالهرج لكن انت السبب خليتيني اكتب قصه من قصتك.
(وبعدين احمدي ربك ترى القصه اطول من كذا ولا باقي قصة الجامعه وقصص ثانيه بس احس اني طولت الشغله وسمجتها).
-على فكره دور الوالدين في القصه كان تصوير رائع لطيبتهم وحنيتهم وبساطتهم الله يخليهم لنا ان شاء الله.
ملحوظه:
اتمنى انك تشوفي حل في المطبات اللي قلتلك عليها علشان اللي يقرا المسرحيه مايصحى الا على الفليبينيه وابرتها(i was joking).
...................................
للامانه:
عبارة( كنت تكتبيني) مأخوذه من مقدمة الشاعر نزار قباني لرواية(ذاكرة الجسد)للروائيه الجزائريه أحلام مستغانمي لذلك وجب التنويه ولك تحياتي DAYEM.