فريق يوحي بلعبة الحماس والقوة والفوز
وأهدي لجميع الهلالين هذي القصيدة المرثية
يا نجم يا للي فوق عال المراقيب === اشكي لك همومي وليل المصايب
ليل سقاني من مرار المشاريب === وامطر عليه من عذابه سحايب
ودهر يمر يشيب القلب ويشيب === وتحل في عيني سنين النوايب
فراق من نعشق يهز المكاتيب === والحبر من دم الجروح العطايب
تاريخ ناصع ماتشوبه عذاريب === مجد تعلا فوق حوض الشوائب
نجم يهز الكون وسط المحاريب === وديار بعده من فراقه خرايب
نجم لمع واهدى النصر غالي الطيب ===عطر بها جو الفرق والكتائب
في بحر هائج قاد جيش المراكيب === وفي بر يابس حل سرب الركايب
ياما علشانه نلبي المطاليب === وياما على شانه كسبنا طلايب
اشعل بليل الطامحين المشاهيب === وعلل هواهم من نسيم الهبايب
راح الزمان وقربت شمسه تغيب === وضاع الوفاء يوم الامل كان غايب
نستجدى الامال وتصيب وتخيب === حتى رجع طير الطموحات خايب
واليوم نبكي من عظيم اللواهيب === من قلب مجروح من الهم شايب
ابكى الوفا ووداع حق ومواجيب === ودموع عيني فوق خدي سكايب
ابغى اعشقه حتى جروح المدى تطيب === ومجرم يعود لدين الاسلام تايب
ماجد خلد في عاليات المراقيب === طايب لهم ولا على غير طايب
وأتمنى أنها أعجبتهم .. من كل قلبي