[الدومري]

قالت لي بالامس لم ارك و لم تتصل بي حتى
مالك ترا انتبه انـا بغار
تغارين ومما تغارين
اغــار عليك من كـل انثى تكلمك
اغار من امك تكلمك
اغار من المراية لو مرة تطالعك
أغار عليك
اذا كنتي اشكثر تغارين ما هو مثل ما انـا اغار
تراني اغار عليك من اسمك
من امك
و من ابوك
اغار من مخدتك لو يوم شمت عطرك
اغار عليك من مشطك يومن تسرح شعرك
اغار عليك من كتبك تقرا فيها عيونك
اغار و اني من تذبحو غيرتو
وبعد جاياتني تقول ما تتصل فيني ويلك تراك وين كنت
كنت افكر فيك
اسرح معاك و ليك
قاعدن اكلم طيف روحك عساه يقدر يوصلك
ضنا روحي في ثواني بعدك
لا ياعمري ما اقدر ابتعد اكثر
لا ياروحي ما اقدر اجافيك
بس انت اللي تجافيني و بنار الدلال تحرق الصبر فيني
يومن اواعدك تجيني و بلهفة تلاقيني
و يومن اريد اقلك اشكثر انا مشتاق
تقلي جاني الندا و الرقيب مسك فيني
ياويلي من هلي لو يشوفونا
ترا يابنت الناس اني كم من مرة قلتلك ما يهموني هلك
و لا سوالفهم المالها مثل
ما يخيفوني و يرهبوني تراني لعيونك افوت النار
عشان كلمة … نغمة من صوتك احاربهم و ما يهمني
منهم رجالهم وليداتهم ما تخيفني و لا تبعدني عن خطر عينك
عيونك سهمها امضى و امر من رصاصاتهم
يومن تصرعني تخليني سليب لاوامهن
لحظات رمشك ترميني من راس الجبل بالوادي تخليني
ياضنا روحي اشكثر انطر الاقيك
ويمون الاقيك مثل الغزال تنفرن مني
ياغزالي لا … ماتروح و تخليني
عيوني و شغف قلبي اعطيك
ترا شوف انا اهديك كل عمري
والا بعد القلك انا اش مالي
انت تملكن الروح و القلب ياحسرتي
ماعندي أي شي اعطيك
انت اللي لزمن تعطيني و شوية هوا ترميلي
يابعد عمري
و يامنى روحي
اش تبي اكثر بعد