سلامات
اختي الكريمة غزال انت بعدك جديدة على الخيمة وبعد ما شفتي شي !
إقتباس:
أخي العزيز و صديقي الرائع دايمون
أعتقد انك هنا تحاول الإنسحاب لسبب قد يكون غير منطقي
فسوء التفاهم لم يكن يوما سببا للتخلي
عن صديق او شخص نعرفه
اخي العزيز إذا كان هذا هو الحال
فإننا سننسحب من العالم بأكمله على وجه السرعة
فانا مثلا إذا تزاعلت أنا و اختي
فهل سأنسحب من بيتنا لأن أختي
مازالت تقيم فيه؟
|
انا مش عم انسحب ولا بعمري انسحبت من شغلة كنت فيها بارادتي
وبعتقد اذا انت زعلت من اختك فاكيد رح تتمني انك تتركي البيت وتروحي على بيت زوجك او يكون عندك بيت خاص فيكي
وان شاء الله ما ينفهم كلامي اني تارك الخيمة لاني وجدت بديل لا ،
لان البديل كان موجود من زمان ولم نختاره
وما رح اختاره الان
بس الشغلة هي شغلة مبدا
لاني ارى مشرفين العنود النبطية وكيم كام يقال لهم يسلم ايديكم ويعطيكم العافية
وبدي اقول لك على شغلة كتير مهمة اختي غزال
باقي المشرفين متل ابو الاشواق وغيرهم من المشرفين الحاليين ما بيدخلوا الخيمة
واذا حبوا يزوروا الخيمة يدخلوها كزوار والسلام عليكم
العنود النبطية وكيمكام كانوا كل يوم تقريبا يدخلون ويشاركون معنا بكل المواضيع
وبتعرفي اختي الكريمة دخول النت يعني مصاري وتفريغ وقت معين للنت
فكيف اذا كان مشرف ومن فترة لفترة يدخل ليطمئن قلبه اذا كان يوجد خلل بقسمه او مشاركات تسيئ بالخيمة
اعتقد انه سيتكلف مبلغ جيد وكله للخيمة
وليه لان عندهم شوية ضمير او لانهم يريدون ان يبقوا على مناصبهم
والمشرف العام والراعي نايمين ببيتهم ولافين اجر على اجر
وبعدين شو حل بالمشرفين طاروا مع رسالة شكر وضحكة صغيرة
بصراحة انا نادم على كل حرف كتبته في هذه الخيمة وحتى ما اندم كتير بدي اترك الخيمة وخاصة انها مضيعة للوقت
ولا اقول لك ابسط الشي اذا واحد احب ان يناقش قضية معينة ومهمة وحساسة
يا اما ما حدا بيشارك بموضوعه او اذا شاركوا بيصير الف مشكلة من اختلاف الاراء
وبعدين اما يحذف الموضوع او يغلق
والكاتب الذي كتب موضوعه راجيا ان يحصل على اجابة او توضيحا
بيطلع بالاخر ما فاهم شي من شي ولا حتى بعدين الو قلب يكتب موضوع اخر متله
صدقي لو كنت متفرغ للخيمة كنت كتبت لها كل عيوبها
بس شو رح يهم لان ما حدا رح يسمع لي اي كلمة
وصدقي ووالله العظيم انه لو معي مصاري كتير لكنت اعطيت مبلغ لكل واحد احب ان ينصحني لاغير عيب فيني .
ايمن