[النقيب]

سلامات

اخي الكريم حمدان المنصوري فعلا مشاركاتك قيمة جدا جدا
وبدي قول لك على شغلة كتير مهمة
شو بدك بابو طه وبـ أكس 96
هيدا ما بدو مصلحتك وهيدا ما بدو مصلحتك
بس إنت كمان: لا تطخها ولا تكسر مخها
يعني نص نص، هيك وهيك
***
أبو طه وأكس ما بيناسبهم لا يصير إسمك بين العشرة الاوائل بعدد المداخلات
ولا يصير بين العشرة النخبة بمستوى المداخلات
وبالحالتين هيدي وهيدي
لا هيدا عاجبو ولا هيدا رضيان
مشان هيك إنت شو تعمل!؟ أنا بقول لك:
انقل يوم، ويوم لا تنقل
يعني نص نص، هيك وهيك
***
على سيرة خيمة الـ كوبي بايست يللي حكيتو عنها
خطر لي خاطر مزعج كابوسي بس بقول لك مشان تحذر
في حال أوقفوا كل المواقع العربية على النت وما بقي إلا الخيمة
من وين بدنا ننقل مواضيع ونسكب هون!
بس يلا شو بدك تعمل قصة بتحير بيني وبينك
يعني الواحد مش عارف من وين بدو يرقع هالقصة
من هون يما من هون!
هيك والا هيك!
وبدك رأيي! مرة من هون ومرة من هون
يعني نص نص، هيك وهيك
***
نفس الشي أوعى تسمع لابو طه ولأكس
أوعى، إياك يعني
لانك ان سمعت للأول مش مخلص من التاني
وان سمعت للتاني مش مخلص من الأول
لا هيدا بينسمع له ولا هيدا بينسمع له
مرة اسمع لهيدا وما تسمع له مرة تانية
وطنش عن هيدا هلق، واسمع له مرة تانية
بكل حال
لا هيك مخلص، ولا هيك مخلص
يعني واقع بين الدلفة وبين المزراب
بين سندان ابو طه ومطرقة اكس
يعني نص نص، هيك وهيك
***
وان سألوك مرة تانية ليش كلما ضجرت ما بتنقل
عـأساس انهم متوقعين اهلك تاركينك وبالجبل
قل لهم انو اهلك واحد منهم بيجي واحد بيروح
يعني تاركينك ضجران، ومش ضجران
يعني، نص نص، هيك وهيك
***
وأهم شي يخصصولك خيمة وتصير مشرف عليها
ويستحسن باسم تاني غير الدجاج لانه مستعمل من قبل
واقترح عليك اسم الصفحة:
"خيمة منقولات الخيمة"
وانت تكون صفتك كالتالي:
"منسق منقولات الخيمة"
وعطيها يا معلم حب وغزل من قلب مجروح
انت وحالك مرة، ومرة حالك وانت
ومرة انت، ومرة حالك
ومرة حالك، ومرة انت
وهيك ما بتعود بتضجر على طول
مرّة بتضجر مرّة لا
هيك وهيك
وبتاكل من المر تا.. يحلى
والشاعر بيقول:
بدي جيب عليها ضرّة
العيشة معها صارت مرّة
مرّة مُرة ومرّة مُرة
يعني، نص نص، هيك وهيك
وان خلصت من هيدا، من هيدا ما بتخلص
وان خلصت من التنين بيطلع لك "أمرّ" منهم
وأمرّ منه ما فيه
بس أمر 14
وعندي صورة له بس هو ناسي انو باعتها لي
هههه اكيد هلق تذكر
مرة بينسى، ومرة بيتذكر
يعني نص نص هيك وهيك
***
وجرب يا بتخيب يا بتصيب
وهيك هيك مش خسران شي
لا هيك خسران ولا هيك خسراناو فيك تقول يعني خسران، ومش خسران خسران
يعني نص نص، هيك وهيك
***
واذا خلصت من التنين هيدول
بو طه واكس والمر
بيطلع لك واحد بتخلص معه وما بتخلص
يعني علقة ومش علقة
بس ما بيحب المزح ابدا وداااائما جاد
يعني بيمزح بس مش كتير
مرة بيمزح مرة ما بيمزح
مرة بيطل مرة ما بيطل
كمان متل أمرْ 14
بيطل بالشهر تلات اربع مرات!
قمر عشرتعش بالاحرى
وبالنهاية في واحد لا تقرب عليه
هو ما بحب حدا يقرب عليه
متل اليتيم بيبقى لحاله
هات وخود خود وهات
وبليلة ما فيها ضوء أمر
لا 14 ولا عشرتعش
بيكحش الناس من الجامع
يا لطيف
لا تقرب صوبو
واني لك من الناصحين

يتبع




X96