[ابو تميم]

ا لمعذرة الاخوة المشاركين والقراء
سوف اجرب النسخ واللصق بالانترنت
وحنا بأيادينا.. نفرق تجمعنا

متى ياعرب نسترجع الماضي اللي ضاع

وحنا السبب في كل شي~ مضيعنا

متى ياعرب جسم العرب يشكي الأوجاع

وحنا بنار الغدر نكوي مواجعنا

لأمر بعضنا نرفض ولأمر العدى ننصاع

نتواضع للأعدى أل بعض ماتواضعنا

تعبنا.. تعبنا. نطرد المظهر... اللماع

وعلى ركضنا الفاشل عدانا تشجعنا

تعبنا من التمثيل والشجب بالمذياع

من الشجب ياأهل الشجب ملت مسامعنا

كبيره.. كبيره. ياعرب نشترى ونباع

ايادي عدانا لقتلنا بعض تصنعنا

كبيره وحنا أهداف بمخطط.. الأطماع

وعلى بعضنا تظهر وتكمن مطامعنا

كبيره. كبيره. والكبيره. يصير صراع

على يد. بعضنا للأسف صار مصرعنا

شرينا المدافع ندعي نقهر الطماع

ولا كان ندري موتنا من مدافعنا

شرينا نهاية بعضنا من يد الصناع

وشرينا الخيانه. والأمانه لها بعنا

غريبه.. غريبه ما بنا واحد جزاع

تموت الألوف ولا تذرف مدامعنا

اذا كان دم ابن العرب سال منه القاع

ولامنه نجزع ياعرب ويش يجزعنا

فلا أدري ولا أدري كيف نرقد ولا نرتاع

رغم ما نشوفه نهتني في مضاجعنا

ننام ونقوم وهكذا يعزف الايقاع

ولاشئ يشغلنا.. سوى الأكل اذا جعنا

كأ أنا.. نعيش بكهف ما نعرف المطلاع

ونبي ننتظر.. لاعل الأقدار تطلعنا

تلاشت عزيمتنا وحب المظاهر شاع

بداية نهايتنا.. حياة بلا.. معنا

رضينا الغدر منهج.. وسابق وفانا ضاع

واذا كان ضيعنا الوفاء. ياعرب ضعنا

نسينا.. نسينا. ديننا لين صرنا أتباع

ضعفنا. ضعفنا والسبب ضعف وازعنا

تعبنا.. تعبنا. نحترق ياعرب نلتاع

تعبنا. وملينا من الكذب. والتعنا

على فوهة البركان نصنع هدؤ أوضاع

شكت كذبنا أقلام بكت بين أصابعنا

نبي نفرض الكذبه على الواقع الملتاع

وعلى صيغة الكذبه. نبرمج مطابعنا

وعملنا لها تضخيم حتى خبرها ذاع

وسكتنا عليها وأشتكا.. الضيم. واقعنا