أهلين شباب ..
أخوي عسى ماشر الموضوع مرررررررره حلو
وياكثر المواقف إللى مرت على وإللى أنا بالعاني
ادخل نفسي فيها .. ((أش تعرف بس اللقافة تمشي بدمي!!))
أذكر في مره كنت صغيرونة ((يعني في ثاني متوسط ..)) طيب
حصل ذي الموقف في وقت صلاة المغرب أيام الأجازة الصيفية
((فراغ وحر وملل وتعطش لموزاولة الهواية المفظلة عندي الا
وهي اللقفونيا .. يعني لاتلوموني!! )) !!
كنت قاعده اتفرج على الرايحين والجاين من البلكونه .. وفي أثنا
ماكنت اعد السيارات الرايحه والجاية وش أكثر لون منتشر بين السيارات
أكتشفت أن الأبيض والأسود هو اللون الدارج ذيك الأيام .. طيب
طيب هالحين يجي الفرز أش أكثر لون الأسود وإلا الأبيض ؟؟!! ((عارفة
مسختها عليكم ..!! أحســـن
!!))
حتى بعدين سألت الوالد الله يعطيه طولة العمر والصحة .. ليش يابيي
اللزن الأسود والأبيض أكثر لون بالسيارات قالي: لأن سعر الجمرك
له قليل .. (( مدري هو صادق وإلا يبي يصرفني.. لأني سألتها بعدين
ليش الجمرك قليل على هاللونين ؟؟!!
قال بتذلفين عن
وجهي وإلا اشلون..وإللي هالحين ادور اجواب!! في أحد منكم يدري
يعلمني ياشباب ..!! ))
ترى استهبل عليكم
المهم نرجع للموقف إللي كنت ابحكيلكم عليه من إول ..
أذن المغرب وكان في شلة شباب يلعبون كورة في البرحه إللي في
الجهة الجنوبية لبيتنا (( أنا كنت على الشارع بالجهة الشمالية.. ركزوا
معاي..!! ..)) طيب
وشوف مطاوعة الهئية يدورون بالشارع العام الصلاة ..
الصلاة جزأك الله خير..
وإلا ازهم عليهم هنا هنا وأشر على الممر إللى يودي للبرحة إللي فيها
اللعيبة يلعبون ((مساكين ولا على بالهم ..))!
ويتناولوهم إلى بالعجرة وإلى بالعقال وإلى بالحجر وينحاش نصهم
للمبنى المقابل ويدخلون للمواقف إللي تحت العمارة وازهم واشر
عليهم .. وورأهم .. وبعدين أنتهى الأرسال ..
خلاص ترى تعبتوني ..
أرجعلكم أن شاءالله وأحكيلكم قصة الحريق والبلاغ الكاذب وازعاج
السلطات إلي تجازى فيه جارنا وكله بسببي..!!
تحياتي ..