[*سهيل*اليماني*]

بالله ياهـل البيـت لاتشلعـونـه
خلوا عيوني من حبيبـي تـروى

ثـم لاتهوزونـه تبـا تضربونـه
جعل اليدين اللـي تطقـه تكـوى

جلده حريـرٍ لـو تبـا تلمسونـه
مثل النفل لو تلمسـه لمـس ذوى

غروٍ نياشين الغـلا فـي عيونـه
يضحك ويشرلي على القلب جوى

يقـول هـذا لـك ولا يقربـونـه
وابو الذي يزعل بعشرين ضـوى

وانا مليك ارضاه ماجـوز دونـه
قلبي معه في يديه من حيث موى

حيث اني افهم ماخفى من ضنونه
وادري بقلبه مـن قديـم وتـوى

واخشى عليه من العرب ينضلونه
انا اشهد ان اللي مسويـه سـوى