إيه بدوية ريحتي بُن وبهـــار *** هذا شرف ماهو بحقي خطية
أنا بدوية بنت حرٍ من أحرار *** فزعات ربعي بالشدايد قوية
أناهلي يابنت وافين الأشبار *** كأنك جهلتي من أنا ياغبية
ياجاهلة ماتغتذي الشمس الأنوار *** حنا كما شمسٍ على الأرض ضيه
حنٌا هل الطولات هيبة ومقدار *** حناٌ مثـــــــــال للشرف والحمية
حنٌا الطنايا للكرم رمز وشعار *** حنٌا خويٍ مايخلي خــــــــــــويه
الذيب يوم إنه عوى وسط الأسعار *** عشوه ربعي من سنينٍ مديه
يوم إن جدك وثـّـق القفل بالدار *** بيت الشَعر مفتوح صبح وعشية
للضيف ريف للمعادين جبار *** نرد العـــــــــياض ولانهاب المنية
يابنت لو بكتب من أشعار وأشعار *** تعجز معاني حروفي الأبجدية
اللعب خلي اللعب لعيال شطار *** لاتدخـــــلين السيل وانتي نديـــة
كفو كفو كفو والله يالبدويه يسلم راسك
وقلبك على ابيات اخرستي بها هالبنت الجاهله.
تسلم اخوي ولاهانت يمينكـ على هالاختيار.
ابيات قمّه في الروعه.
دمت بألف خير.