أخي العزيز محمد كلامك صحيح ولكن في شي بحب أضيفو لكلامك والي هو انو في مستوطنات بالقطاع يسكنها فقط الحراس عليها ومساحة هذه المستوطنات شاسعة... ناهيك عن أمر جد مهم وهو استخدام اليورانيو أثناء التجريف بشمال القطاع مما أدى إلى احتمال اصابة المواطنين بالسرطان خلال 15 سنة من تناول اول محصول زراعي ومعلوماتي من حقوق الانسان وكنت معاهم متطوعة...والمشكلة انو تم ارسال التقرير ولا من مجيب وسكتو عن الموضوع وهذا ليس بغريب لانو صارت بالعراق بسنة 94 ولكن ايضا لامن مجيب ومشكلة العراق اكبر بكتير لانهم سيطرو على عدة اجيال مصيرها الموت بسرطان الدم وتشوهات بسبب اليورانيو المستنفذ الي استخدموه سابقا بغض النظر مين الي استخدمو...والانسحابات الاسرائيلية الوهمية والاغلاقات التي تثقل كاهل الاهالي اخي ما ذكرتها وهي اهم شي خصوصا للقطاع لانو الاغلاق يعني مجاعة.. تخيل كل الطرق مقفلة ولا مدخل، في السنة الماضية كنت بطريقي لخان يونس مع طاقم من الصليب الاحمر وووكالة الغوث وحقوق الانسان تخيل الكل أجانب ومع ذلك ممنوع حدن يمر؟؟؟ وكان كل الي بدنا اياه توزيع الاكل على الناس خصوصا حليب الاطفال....تخيل انهم اهدرو العديد من المواد التموينية بلا سبب والاطفال الرضع ميتين جوع شفت بعيني امهات بيعطو مياه عادية متسخة للاطفال عشان مافي حليب... وبالمناسبة هيدي الصورة صورة الام تعطي طفلها مياه بدل من حليب شاهدتها بأكتر من بلد عربي او غربي... اهانات كتيرة جدا بيتعرض ليها المواطن الفلسطيني بجد وكل عادي بالنسبة للكل وما حدن بيعبرهم اطلاقا. اجمالا كل العالم يعاني بطريقة أو بأخرى... فالمجاعة والعنصرية والقهر والحرمان موجود بكل بقاع الارض... ولكن الاحتلال والقتل بهيك اسلوب والدمار موجود بس بأماكن معينة فلسطين وحدة من هدلون الأماكن الي بتعاني كل يوم تنام وتفيق على أنين القتلى والمحرومين... صباحها ملطخ بدماء الاطفال وليلها أنشودة عذبة من أنين المرضى والشهداء.. سلام للجميع وشكرا ليك اخ محمد
|