لا يا إخوانى ليه سؤ الظن
يمكن ساحر أو عفريت بينه وبين الوردى تار
على العموم إحنا لسه موجودين و يمكن من حظنا نشوف الساحر وألاعيبه
لكن أطمنكم الديك الفصيح يفضل يدن ويصيح ولو دبحوه و بالمناسبه بيقول شاعرنا المسخره الحبيب أحمد فؤاد نجم قصيده فى بن الوردى بيقول
توت حاوي حاوي توت
خش اتفرج هرج فوت
قعده فكيهه
حتسمع فيها
حكاية البيضة والكتكوت
يحكى أن
ولازم يحكى
وكان ياما كان
قبل الجنه
كان فيه بيضه وفرخه كمان
دبحوا الفرخه طبت سارخه
قامت البيضه طقت شارخه
طقشت فقست فرخ فصيح
يدن ويهلل ويصيح
حتى إن كان على وش دبيح
يفضل يدن لما يموت
توت حاوي حاوي توت
***
سحر مفيش دا كلام تهويش
نفض مخك يا ابو درويش
كل ما فيها الدنيا دي فيها
ناس بتبكش
لجل تعيش
حابس حابس
عفريت كابس
ينزل قالع يطلع لابس
واللي بيرقص
ع المسامير
واللي بإبره بيفحت بير
واللي بينفخ في المزامير
يفضل ينفخ لما يموت
توت حاوي
حاوي توت