[انسانة]

أنا عندي طريقة ثانية لطبخ الرز
(لو سمحتوا لي طبعا بالمشاركة )

اغسل الرز ثم انقعه لمدة ساعة في ماء عادي (م مهم يكون ساخن )
بعدين حط ماء على النار كمية معتدلة طبعا لا إنها وايد ولا شوية
بعدين أضف لها الملح على حسب الرغبة (الكمية طبعا لا الرز بلا ملح يصير على قولة جدتي تفل)
طبعا حط الملح قبل لا يثور الماء لأنه يساعد على الثوران بسرعة وغطيه علشان نفس السبب(معلومة علمية)

بعد ما يغلي الماي حط الرز وانتظر فترة كذا خمس دقائق وذوق الملح فيه هل هو مناسب وإلا لا ؟ وبعدين شوف الرز هل نضج تماما وإلا بعده بإنك تأخذ حبة من القدر وتهرسها لو انهرست عادي يعني جهز لو انهرست بصعوبة يعني حطه بعدك دقيقتين لو انهرست بسرعة مثل العصيد يعني احسن تقفل الطباخة بسرعة وتلحق الرز مالك ...(هو الرز يحتاج تقريبا عشر دقائق لحد ما ينضج على نار هادئة )
ولما ينضج اشخله (يعني حطه في الشخالة علشان يتسرب منه الماء وعقب رجعه للقدر وضيف له السمن .
هذه الطريقة اضمن لأنك هنا تقدر تتحكم في مدى نضج الرز على عكس الطريقة الأولى لأن لو الماء وايد في الطريقة الأولى ممكن هذا يعمل عرسية يعني رز مهروس بس هنا تتحكم فيها أحسن ....
العيب الكبير اللي في هاذي الطريقة هو إنك ممكن تفقد القيمة الغذائية من خلال فقد ماء الرز بعد شخله

عموما أي الطريقتين أنسب وأسرع الحكم عائد لمن يطبخ

وغداء شهي