هلا ياحلمي الواقع هلا يامسقي العطشان 0000هلا يارمزي الغالي هلا ياقمة احلامي
هلا من قلبي اللي للمصايب والشقاء ميدان 0000 وبعدك يابعد حيي تعافا جرحي الدامي
تحريتك سنين العمر خليت العمر نيشان 0000 تلاعبه صواديف الزمن بقفاي واقدامي
زرعتك داخلي فكره عظيمه جذعها الانسان 0000 وشفتك قبل لاشوفك خيالك مصدر الهامي
كتبتك في شر اييني قصيده ترفض النسيان 0000 اطالعها وارددها طوال الوقت قدامي
وسميتك وانا صادق حبيبي عبد للرحمن 0000 عسى تطلع طلايع جدي المرحوم وتحامي
عن الديره عن الايتام عن العادات لاتنهان 0000 عزيز النفس لاتخظع ولو حدتك الايامي
انا يابوك رغم اني شباب فداخلي شفقان 0000 ابي تمشي دروبن ماقوت تمشي بها اقدامي
ابي تكمل طريق المرجله لايلحقك نقصان 0000 وابي اسمك الا اطروه ارز الراس واعلامي
ابا افخر بك الاقالوا سمعتوا فعلة كحيلان 0000 والا منك نويت لشي فكر قبل تنلامي
تبصر وافهم الموضوع من كاسب ومن خسران 0000 ترى الدنيا سفينه وسط موجن والبحر حامي
:gun