[*اليشمـــك*]

السلام عليكم

بصراحة أغبط كل من يملك قدرة البوح عن اللي بخاطره بدون مايشعر بالحياء أو الخجل أو التردد لوجود الألاف بل الملايين من الأعين المتطفلة ..

حاولت كذا مرة إني أبوح عن اللي بخاطري .. بس لقيت المسألة ماهي سهلة أبد ..

صحيح إنه الانسان يتمنى إنه يعبر عن مشاعره سواء كانت .. كره .. حب .. تمرد .. حزن .. فرح .. لحظة فيها مشاعر رقيقة أو حتى قاسية ..

ولكن ..

على أي أساس نختار الشخص أو المكان اللي نضع فيه أغلى مانملك .. مشاعرنا .. وخصوصياتنا ..

كيف نضمن إنه كل العيون ... والقلوب .. راح تحترم وتقدّر مشاعرنا ؟!

مشاعرنا اللي أخفيناها سنين وسنين .. أو حتى يوم .. أو ساعة .. واعتبرناها أعز مانملك ..

مشاعرنا اللي رسمنا تفاصيلها ووضعنالها عنوان يحكي عنها ..

تبقى غالية علينا وتعنينا ومانرضى أي أحد يشاركنا فيها..

هل حسينا بالراحة والأمان فقررنا البوح فجأة..

أو لكون شخصياتنا الحقيقية مجهولة حسينا إنها الفرصة المناسبة عشان نخفف عن أنفسنا الحمل بدون محد يحاسبنا أو يلومنا ..

أو هي مجرد أحلام لاتمت للواقع بصلة وعيّشنا انفسنا فيها على أمل إنها تتحقق ..

أو مجرد خيال قادر يتعمق في الامور ويرسمها على إنها حقيقة ..

مدري .. كل شي جايز ..

وتبقى مشاعرنا .. لنا..

تحياتي