[وليد الظهران]

وش بلا بنت الجزيره لابسه جينز وفنيله
تحسب ان هذي حضاره مادرت انها رذيله
حققت اهداف غربي في هدم افضل فضيلة . . . . وش بلا بنت الجزيرة
قالت الموضه تتطلب لبستي يابن الحلال
قلت أهلك يا بدوية ماعرفوا هذا الخيال
قالت انت انسان جاهل ماتقدر هالجمال . . . . وش بلا بنت الجزيرة
يا جماعة علموها نزلت مقدار ابوها
تلبس الضيق وتمشي ما ألوم اللي تبعوها
وفتنة البنت بجسدها ليه أهلها ما ستروها . . . . وش بلا بنت الجزيرة ؟
لازمت عادات اهلها مابها حشمة ووقار
عقلها ضاع بجهلها اشهد ان هذا دمار
ما باهلها انسان عاقل حول الظلمة نهار . . . . وش بلا بنت الجزيرة ؟
ما أعم أنا اخصص بنت نسيت من تكون
تحسب ان هذي حضارة ما درت انه جنون
قلدت قصة مادونا وقلدت لبسة سيمون . . . . وش بلا بنت الجزيرة ؟
وش يعيب الباس اهلكي ذا سؤالي جاوبيه
وانشدي بنت القبيلة عابها لو ترتديه
من يبيع اصله وفصله صعب انه يشتريه . . . . وش بلا بنت الجزيرة ؟
لو لبستي الباس طيب كان فرضتي الاحترام
حشمة فيك ووقار مانعه نظرة حرام
تابعه عادات اهلك وسالمه من الكلام . . . . وش بلا بنت الجزيره ؟
اعرف ان بنت الجزيرة تستر العرض وتصونه
تلبس اللبس بحشمة واصلها ما تخونه
حافظة اطباع اهلها ما حفظت اطباع مادونه . . . . وش بلا بنت الجزيرة ؟
هذي هي بنت الجزيرة ...
بعلمها والمعرفة واصله فوق السحاب
ما منعها لباسها المستور تتحدى الصعاب
ماشية بدرب الشريعه ما مشت درب بعاب . . . . هذي هي بنت الجزيرة
يا بنيه روحي بالله غيري هذا اللباس
والبسي من لبس اهلكي كان بك عزة اساس
البدواة ما تعيب ، البدو عز وساس . . . . وش بلا بنت الجزيرة ؟
وش بلا بنت الجزيرة لابسه جينز وفنيلة
لابسه لبس يعيب ما رضاه ابن القبيلة
ما أعمم بس أخصص من تقلدها الهبيلة .
وش بلا بنت الجزيره .. وش بلا بنت الجزيره ....... ؟؟!!

قصيده اعجبتني....................... منقوله للشاعر الحميدي بن رشاد