[جيت مسير]

لولا الرجا واعلل القلب بوعود
......................بوعود خلٍ صار شوفه شفاقه

لولاه ما روضت نفسي على الكود
....................ومن كل خلق الله عشقته عشاقة

اختار قلبي بالهوا ناعم العود
.........................ما غيره احدٍ بالمخاليق شاقه

طفلٍ عليه من البها ستر وعقود
........................زين القوام اشباه وجهه دقاقة

ان كان شفته فتح القلب بورود
........................وان غاب دايم دمعتي من فراقه

طفلٍ سحر هاروت بشفاه منضود
............................اللي نهب مكنون قلبي سراقه

مادام هو موجود فالحب موجود
.............................وسط الضماير مبهماتٍ حلاقه

يا ناس انا احبه ولا فيه منقود
.............................وقلبي لغيره ما يعرف الصداقه

يا ناس حبي له بلا سلم وحدود
..............................وفراق روحي من سبايب فراقه

(محمد السديري)