[الوافـــــي]

المشاركون في فيلم (تجارب باسم الجهاد)
استغلوا جهلنا وعبؤونا من الجهاد في الخارج إلى الداخل
وتفجيرات (الوشم) و(المحيا) هزتنا من الأعماق



الرياض : مشاري المشعل

كشف المشاركون في الحلقة الرابعة من الفيلم الوثائقي (تجارب باسم الجهاد) والذي تبثه مساء اليوم القناة الأولى في التلفزيون السعودي، وتنشره جريدة (الوفاق) بالتزامن، عن مناطق الصراع التي تم الزج بالشباب السعودي فيها، مثل الشيشان والعراق وأفغانستان، وقالوا: إنهم استغلوا بعض ظروف الشباب العائلية والاقتصادية، فكان المدخل للشاب مشكلته.. وسرد المشاركون في الفيلم كيف تم تجنيدهم واستغلال مشكلاتهم الحياتية، وقال أحدهم: لم نفلح في الدنيا، لا عمل ولا دراسة ولا شيء، أردنا أن نجرب حظنا.. كنا نريد الجنة، وقال المشاركون في الحلقة إن أفلام الجهاد والأناشيد الحماسية كانت وراء إلهاب مشاعرنا ودفعتنا إلى الخروج إلى العراق وأفغانستان، وإن الإعلام لعب دورا كبيرا في التعبئة، ونحن نرى ما يحدث في أبو غريب، واعترف المشاركون في الفيلم "أنهم أخطؤوا في حق دينهم وبلدهم، خاصة بعد أن صار الجهاد عكسيا، بعد أن كان في الخارج، أصبح في الداخل" وقالوا: "إن ما حدث في مجمع إسكان المحيا وتفجيرات الوشم هي التي هزتنا وجعلتنا ندرك حجم الخطر الذي وقعنا فيه".

وقد شارك في الحلقة الرابعة من الفيلم التسجيلي تجارب باسم الجهاد كل من:

سامي الغامدي ، طلال الصاعدي ، نايف الغامدي ، عبد اللطيف السهلي ، وليد خان ، فارس السهلي ، مصلح العنزي ، عمر الصاعدي ، عبدالله الظافر ، عبدالله خوجه ، عبدالله السليمان ، إبراهيم المحيائي

وفيما يلي نص الاعترافات:

سامي الغامدي

الآن المسلمون في الشيشان مثلا أو في هذه المنطقة قد يكونوا عانوا أشياء والقتل وهذه كلها تحس بالمسلم وتجعل قلبه يتقطع من أجل أخوانه المسلمين.


طلال الصاعدي

وطبعا من الأحداث التي مرت على الأمة وضعف الأمة ما يحدث في العراق هذاك الوقت اثر على طبعا وحاولت من اول ما سقطت بغداد حاولت أن ادخل العراق طلبا للشهادة.


الدوافع


نايف الغامدي

يستخدمون الواحد من نقطة ضعفه يجونه من نقطة ضعفة هل هي اقتصادية ؟ هل هي اجتماعية؟ هل هي عائلية؟ هل هي صحية ؟ يعني يجي لك من اي طريق تبغى . . فانا جوني بداية لما جيت التزم كنت اضحك مع الملتزمين كنت مبتدئ حتى اللحية ما طلعت فكنت استلمهم . . انا ابغى الجنة . . ابغى الجنة. . اضحك معهم . . قالوا تطوعت مبروك. . قلت ابغى الجنة . . ما ابغى صياعة . . هم اخذونا من هنا . . قالوا فلان بغى يخرج عسكري . . ما يقدر فلان . . ما عنده جواز فلان صغير سنه. . فلان كذا . . فلان كذا . . خذوني من نقطة ابحث عن وظيفة وقبل ما تبحث ليش ما تبحث عن الجنة . . ليش ما تكون الجنة مرة واحدة. . تروح تتوظف عسكري . . بعدين تندم . . ترى فيه ناس كثير ندموا.


عبداللطيف السهلي

الواحد عنده جاهلية وزي كذا تمام بعدما التزمت وجت أحداث العراق . . وزي كذا وكنت اشوف بعض الأفلام . . أفلام الجهاد. . زي كذا وشفت خطاب لان حياتي اول تعبانه شوي دايم فيها مشاكل يعني متعقد من الحياة . . عندي عقد كثيرة. . زي سبحان الله كل ما بديت بشئ لازم يتعطل . . يعني عندي حاجات كثيرة . . يعني زي ما تقول لو أخذت سيارة الوالد وهي خربانه ما تخرب عليه هو . . تخرب على أنا .


عنوان الأقران


نايف الغامدي

أنا عاطل لا فلحت في دنيا. . خلني أروح بس تجيني رصاصة في رأسي أموت وأروح للجنة . . قال لي خلاص بس أحفظ وأحفظ من الكتب . . قلت والله لو فيني حفظ كان كملت دراستي . . ما عندى حفظ . . خالد بن الوليد يعني ماكان يحفظ وكان قائد ومعروف . . قال لا هذا جيل . . وهذا جيل غير. . قلت طيب وين اروح . . قال مكان ... ما لك شغل ...عليك بس تنفذ اللي عليك. . قلت لا مكان ما أجل انت في طريقك وأنا في طريقي ليش ما تعلمني . . فكان ياخذ مصطلح يقال أمنيات وما كنت أعرف أمنيات كنت أزعل منها الواحد يخبي على شئ أزعل فتركته.


وليد خان

لازم تكون لك سمعة والسمعة ما تجي إلا لازم تتحدث تقول شئ مسوى أنت تبرز نفسك وهذا هو الريا مهوب فيك الريا وصعب جدا إنك تخلص من الريا . . في هذه المرحلة وإلا كيف الواحد يبرز في الجهاد وإلا انه أفعاله واضحة أنه يتكلم يتصل سويت كذا كذا .... طلعت فلان ... رحت سويت كذا وطبعا كلها طبعا تجيب الرياء.


سامي الغامدي

هي عوامل القدرة على الدخول في المجتمع تجد أنك إنسان كنت في انحراف معين قبل الالتزام ثم التزمت فجأة عرفت.. العاطفة الدينية الحماس الأشياء هذي الجهل كيف التعامل مع الناس هذي الأشياء كلها جعلت الإنسان مثلا يتعقد من الناس. . يتعقد من المجتمع . . ويقول هذولا مثلا فيه تلفزيون وأغاني وفيه أشياء يعني كلها حقيقة كل هذي تجتمع مع الإثارة في الإعلام وزي كذا مع حماس للدين والحرقة على المسلمين . . هذي كلها تجتمع وتجعلك تتجه إتجاه واحد وتغلق أذانك وتفكيرك ويكون منصب على هذا الاتجاه.


فارس السهلي

الموضوع اول شئ حيث أحداث العراق بعد ذلك كان لنا واحد جار سمعت انه سبق راح لأفغانستان وجيت وحدثته انا وزميلي عبد اللطيف قلنا ايش نبغى نروح للعراق . . قال هالحين الراية لسه ماهي واضحة . . وجيت دخلت انا وعبد اللطيف نادي.


عبداللطيف السهلي

رحت لعبدالرحمن لانه سبق انه راح للجهاد . . قلت له ابغاك تشوف لي طريقة للجهاد ابروح للعراق . . قال لي والله الراية ما هي واضحة والطريق ماهو واضح يمكن الواحد يطيح بأسر. . قلت خير إن شاء الله . . قال لي مادامك انك جالس هالحين الواحد لازم يعني يكون مستعد بكرة . . لو يعني تروح لان الجبهة هناك مافيه تدريب مافيه شئ مافيه احكام على طول ساحة القتال على طول انت تروح ماعندك شئ على طول يمسكونك ويؤسرونك الامريكان . . وقلت له خلاص قال اهم شئ الواحد تكون اللياقة تكون اللياقة عالية . . خشيت نادي واخذت فيه ثلاثة شهور وبعد ثلاثة شهور جيته قلت كيف ابغاك تشوف لي طريقة . . قال لي الى حد الآن الطريق ما هو واضح . . قال لي تحتاج انك تعرف ترمي.


مصلح العنزي

إني من الشباب اللي كانوا يتكلمون في الجهاد موجود معي يتكلم في الجهاد والشهادة. . والله كلمني يعني كنه دخلني الجنة صراحة.

.. يتبع ..